fbpx
September 21, 2021

Formado: Tur e stakeholdernan ta riba mesun liña

Share on facebook
Share on Facebook
Share on whatsapp
Share on Whatsapp
0
0
Formado: Tur e stakeholdernan ta riba mesun liña
Formado: Tur e stakeholdernan ta riba mesun liña


Tur stakeholder di acuerdo cu mester bin diversificacion di economia

Durante un encuentro cu prensa, Formado Evelyne Wever-Croes duna un recapitulacion di e reunionnan cu el a tene cu diferente stakeholdernan den cuadro di e proceso di formacion di gobierno. El a indica cu e reunionnan ta bayendo den bon direccion. Dialuna a toca turno riba e tereno di economia y pensionado. 

Asociacion Conseheronan di Belasting

Wever-Croes a reuni cu Asociacion di Conseheronan di Belasting, unda cu a haya hopi informacion y tambe perspectiva di cada uno. Nan a toca e tema di importancia di un desaroyo economico, no solamente pa stimula economia, pero tambe un bon funcionamento di departamento di impuesto. Vooral pa loke ta atrasonan, dus pa un departamento di Impuesto cu ta traha den actualidad. 

Tambe e asociacion a bisa cu e leynan mester bira mas senciyo, menos complica y pa nan tin siguridad adelanta con ta aplica cierto leynan. Esey nan ta kere cu lo bay yuda desaroya economia di Aruba mas lihe. 

San Nicolas Business Association 

San Nicolas Business Association den reunion cu formado a haci entrega di un manifiesto cu algun punto cu nan lo desea pa cumpli cu nan den prome 100 dianan di gobernacion. Formado Wever-Croes a bisa cu varios di e puntonan ta importante pa crea desaroyo den San Nicolas, tanto den industria pero tambe den turismo, pa crea bienestar general pa habitantenan di pariba di brug. 

ATA

Un otro stakeholder cu formado a reuni cu ne tabata ATA, cu a indica cu turismo ta recuperando. Aña pasa e entradanan a  cay hopi pisa y pa ATA tambe.  Actualmente ta den fase di wak con ta recupera di e sla aki. nan tin varios plan di accion unda cu ATA a duna su contribucion importante. Tur ta di acuerdo cu ta turismo lo bira nos pilar economico cu lo saca Aruba for di e pandemia. Claro cu lo mester diversifica, pero turismo lo bira e pilar di mas fuerte pa saca nos for di e retonan actual.

AFBA

Formado a reuni tambe cu Aruba Food & Beverages Association cua  indica na Formado, cu nan tin trabou pero cu no tin trahado pa traha. Esaki pa Formado tabata un sorpresa, mirando cu tin mas di 3 mil hende cu ta cobrando FASE. Lo bay haci un investigacion di e motibo pa cual personanan cu ta cobra FASE no ta aplica pa trabou.

OPPA

Formado a reuni cu OPPA, organisacion di pensionadonan, cu a trece un documento bastante amplio pa Formado cu e puntonan di . E pensionadonan ta esunnan cu a construi nos economia, den cual nos ta lanta nos yiunan. A toca diferente tema, e temanan di salud como tambe prima di AZV cu ta halto. Un otro tema cu a bin dilanti tabata e topico di belasting. Ultimo punto tabata pa duna nos adultonan mayor mas representacion pa asina un gobierno tene cuenta structuralmente cu e interesnan di nos adultonan mayor. 

FORMACION

Actualmente ta papiando tocante reparticion di cartera.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.