fbpx
September 21, 2021

Señora burachi tras di stuur a basha cura di cas abou

Share on facebook
Share on Facebook
Share on whatsapp
Share on Whatsapp
0
0
Señora burachi tras di stuur a basha cura di cas abou
Señora burachi tras di stuur a basha cura di cas abou


Tabata pa 2:15 am cu habitantenan di Sabana Liber 52 a scucha un zonido duro dilanti di nan cas. Ora a sali bay pafo ta topa un auto marca Nissan estilo RHD, numera A-45230, dilanti nan cas, cu a basha nan cura di cas abou y e chauffeur herida a keda pega den e auto.

Autoridadnan a yega mesora na e sitio y polis no a tarda den pidi asistencia di bomber pa corta e auto pa saca e victima mientras a solicita pa paramediconan riba ambulance pa brinda asistencia na e herido. Na e sitio polis a constata cu e dama chauffeur tabata bou influencia di alcohol.

Parce el a perde control “su so cu su so”, baha caminda, bay dal den cura di e cas. Den e proceso, el a kibra meter di awa di e cas, cu consecuencia cu awa tabata spuit na gran cantidad dilanti di e cas.

Bomberonan a yega mesora pa corta e vehiculo, uzando mashinnan special, pa por a saca e dama afo. Ey mes a brind’e prome auxilio pasobra obviamente el a herida su mes den e impacto. E auto a haya hopi daño, mustrando claramente cu e lo no por sigui core mas.

Famia Kock awo a keda cu un daño enorme atras na nan propiedad, cu yen di soño y cu susto di e experiencia aki y pa colmo, sin awa. Lo mester warda awo pa mira kico seguro ta cubri, debi cu e chauffeur tabata burachi. Mayoria biahabe seguro ta paga tur e gastonan y ta cobra e cliente parti bek of completamente bek, pasobra mayoria compania di seguro no ta cubri accidente cu chauffeur burachi. Ta considera esey un risico calcula, pues cu e chauffeur a expone su mes na un risico mas grandi door di stuur auto siendo e ta consciente di ta burachi.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.