fbpx
September 21, 2021

Colegio Cristo Rey ta resulta e scol ganador di AAA su Wings of Hope Energy Champion Competition

Share on facebook
Share on Facebook
Share on whatsapp
Share on Whatsapp
0
0
Colegio Cristo Rey ta resulta e scol ganador di AAA su Wings of Hope Energy Champion Competition
Colegio Cristo Rey ta resulta e scol ganador di AAA su Wings of Hope Energy Champion Competition


Aruba Airport Authority N.V. (AAA) su Wings of Hope (WoH) ta orguyoso pa anuncia cu Colegio Cristo Rey ta e ganado oficial di e prome Energy Champion Competition.

Como parti di WoH su meta di “Affordable and Clean Energy”, WoH recientemente a organisa e prome Energy Champion Competition pa scolnan primario. WoH a extende un invitacion na scolnan primario pa participa den un “energy sustainability challenge” pa concientiza y crea curiosidad bou di e studiante- y maestronan riba iniciativanan sostenibel.

Scolnan cu a participa a entrega un plan pa reduci nan scol su consumo di energia cu 20% den un budget specifico. Tur plan a wordo evalua dor di un panel di huradonan basa riba un criterio estricto.

Wings of Hope workgroup, representa dor di Christine Kaarsbaan-Leo, Armand Kelly y Angeline Flemming di AAA, a presenta e premio ganado Diabierna Juli 23, 2021 na Colegio Cristo Rey. E “Energy Champion School” lo ricibi AWG 20,000.00 pa ehecuta nan plan pa reduci consumo di energia. WoH a keda sumamente impreshona cu cada plan di e scolnan cu a inclui nan investigacionnan haci riba e topico, un bista detaya di nan budget y tambe e creatividad pa ehecuta nan plan.

 

WoH ta gradici tur scol cu a participa den e prome Energy Champion Competition y cu lo sigui inclui studiantenan y e comunidad di Aruba den proyectonan den futuro, y na mesun momento creando un miho futuro sostenibel pa nos tur.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.