fbpx
September 21, 2021

Desde otro siman: Mericanonan mester test atrobe ora yega Aruba

Share on facebook
Share on Facebook
Share on whatsapp
Share on Whatsapp
0
0
Desde otro siman: Mericanonan mester test atrobe ora yega Aruba
Desde otro siman: Mericanonan mester test atrobe ora yega Aruba


Gobierno di Aruba ta considera Merca como un pais di risico halto atrobe. Esey no tabata asina pa algun tempo, locual a conduci den un crecemento enorme den cantidad di turista for di e continente Mericano. Te asina cu, segun Aruba Tourism Authority (ATA), cu e luna aki di juli lo surpasa e cifra di 100.000 turista pa prome bes. Pero asina mes, e mesun ATA ta conseha gobierno awo pa adapta medida pa entrada di Mericanonan na Aruba.

E cambio den maneho ta encera cu tur pasahero cu yega Aruba, tanto turista como local, mester haci un PCR test na aeropuerto di Aruba of bin cu un cla haci di Merca. E medida ta drenta na vigor diadomingo awo dia 1 di augustus 2021. Te cu awo, esey no tabata necesario si acaso e pasahero ta vacuna caba. Pero como cu Gobierno di Aruba a pone Merca riba lista di paisnan di risico, ta haci cu mester a adapta e maneho manera antes. Pasaheronan lo mester paga $75 pa haci PCR test na aeropuerto atrobe.

Un bentaha si ta cu e seguro obligatorio pa turistanan, cu tabata $30 pa adulto, awo ta bira $15 flat-fee. Esey ta un reduccion di por lo menos 50%, pasobra e cantidad di casonan bou turista cu mester a interna den hospital tabata abou. Bisando esey, ta obvio cu e compania di seguro a gana hopi placa e ultimo lunanan aki. Pesey ATA a exigi di nan pa baha nan tarifa na mita pero mantene e pakete y cobertura igual. A acorda cu muchanan, te cu 15 aña di edad, lo ta gratis.

Kico e cambio aki lo encera pa Aruba, no ta conoci awo. Pero ATA a adelanta awe cu ya caba a cuminsa drenta cancelacionnan e ultimo dianan aki. Mayoria di e turistanan cu a cancela nan biahe pa Aruba ta hobennan. Esey no ta un tendencia negativo, pasobra Aruba ta yenyen di awo pa december, pero e tendencia negativo den aumento di casonan activo mesora ta traduci den cancelacion di buelonan pa nos isla. Caida den turismo ta nifica caida den economia y caida den entrada. Ta den man di pueblo si ta cuida mas, sino ta nos tur lo paga pe!

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.