fbpx
September 21, 2021

Fundacion Parkietenbos: Ta desea un participacion proactivo den e solucion di dump

Share on facebook
Share on Facebook
Share on whatsapp
Share on Whatsapp
0
0
Fundacion Parkietenbos: Ta desea un participacion proactivo den e solucion di dump
Fundacion Parkietenbos: Ta desea un participacion proactivo den e solucion di dump


E situacion medio ambiental na Parkietenbos semper tabata un factor di preocupa, en particular pa e habitantenan. Fundacion Parkietenbos tabata un di e stakeholdernan cu a bishita formado pa asina trece nan puntonan dilanti.

Pero esun principal ta e molester di dump riba a barionan den vecindario, entre nan Parkietenbos, Simeon Antonio, Buena Vista, etc. Ta trata aki molester den aire y tambe lama, cu ta haci cu mester bin cu algo urgente.

Segun Aldrich Croes, representando Fundacion Parkietenbos, e dump a bira desproporcionalmente gigante, esey ta un hecho y ta un mahos bista, pero principalmente ta un menasa pa salud di e habitantenan.

Ta puntonan cu a expone na e formado, unda cu na un manera critico a duna un ilustracion cu mester di presion pa asina yega na un solucion, naturalmente cu envolvimento proactivo di e fundacion, pa asina elimina e dump.

Croes ta spera cu gobierno por pone hopi atencion pa bin cu solucionnan duradero y cambio cu ta duna resultado pa e miles di habitantenan den e area aki. Tambe e ta spera cu e punto particular aki por forma parti di e acuerdo di gobernacion.

Pa mayor cobertura lesa TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.