fbpx
September 21, 2021

Hunt Riley: Di specialista pa pashent

Share on facebook
Share on Facebook
Share on whatsapp
Share on Whatsapp
0
0
Hunt Riley: Di specialista pa pashent
Hunt Riley: Di specialista pa pashent


Ayera den dia specialista Hunt Riley a bira malo na su consultorio. El a sinti un dolor pisa den pecho y diripiente a bira malo. Cu urgencia a core hib’e Spoedeisende Hulp (SEH) na dr. Horacio E. Oduber Hospital. Ey a constata cu e lo a haya un ataca leve di curason. Cardiologonan a activa mesora y a oper’e mesora. A percura pa e haya no un ni dos, sino cuater stent. Awendia ta uza stent den curason pa casi tur procedura di “angioplasty”. Un stent ta un spiral chikito cu ta expande. Ta hinc’e den adernan cera pa evita cu bo arteria ta cera y stroba pasada trankil di sanger. E stent como tal ta mantene e arterianan habri. Na momento cu bo adernan cera, e ta causa problema na bo curason. 

Dokter Riley tin 59 aña di edad, pero ta un humado pisa di sigaria. Esey riba su mes no ta yuda den e tipo di enfermedadnan asina. Awor a intern’e den e unidad di CCU na hospital, pa ricibi tratamento specialisa riba tereno di cardiologia.
E unidad di Coronary Care Unit (CCU) tambe ta conoci como e Cardiac Intensive Care Unit. Ta trata aki di un unidad di hospital specialisa den cuido di pashentnan cu a haya un ataca di curason, cu angina instabiel, cu cardiac dysrhythmia y varios otro condicionnan di curason cu ta rekeri monitor y tratamento continuo.
Hunt Riley a studia na Radboud University y desde aña 1994 ta traha den servicio di dr. Horacio E. Oduber Hospital como “Plastic & Reconstructive Surgeon”. Desde 1999 e tin su mesun clinica tambe, esta Riley Surgery Center. Separa di ta masha popular na Aruba pa efectua curugia plastico, tambe e ta specialista di man. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.