fbpx
September 21, 2021

Trahadornan di NV Elmar a bay den accion pa 2 ora awe mainta

Share on facebook
Share on Facebook
Share on whatsapp
Share on Whatsapp
0
0
Trahadornan di NV Elmar a bay den accion pa 2 ora awe mainta
Trahadornan di NV Elmar a bay den accion pa 2 ora awe mainta
Trahadornan di NV Elmar a bay den accion pa 2 ora awe mainta
Posted on 07/29/2021 9:12 am AST | Updated on 07/29/2021 9:13 am AST

ORANJESTAD – Trahadonan di e compania di utilidad NV Elmar a bay den accion pa 2 ora diahuebs mainta. Segun presidente di e sindicato STA cu ta representa nan, Diego de Cuba, motibo ta e trato inhusto pa cu e trahadornan. Entre nan, compensacion pa hustifica e reduccion di pago di salario di 12.6% cu nan no ta hayando,  siendo cu cosnan ta drechando na Aruba. Varios compania a cuminsa (segun de Cuba) compensa e trahadonan pa cu e reduccion aki. Pero (segun sr de Cuba) Utilities NV (compania doño di Elmar) a nenga nan esaki. Como tal a dicidi cu ta para negosacion di CAO pa 2 ora, pa informa e trahadornan di e situacion aki. A pidi un reunion cu gobierno, gerencia di Elmar y mediador pa remedia e situacion aki. E portal aki no por a confirma esaki independientemente ainda. 

E REDUCCION DI SALARIO

Manera ta conoci for di aña pasa mayoria compania a reduci nan salario cu 12.6% segun regla di Hulanda pa Aruba por haya subsidio debi na e pandemia di Coronavirus. Hulanda pues a condiciona e ayudo na cierto medidanan manera reduccion di salario di 12.6%. NV Elmar tambe ta haciendo esaki. Recientemente secretario di estado demisionario di Hulanda Raymond Knops a bisa e portal aki cu e reduccion di salario ta keda vigente tanten cu Aruba ricibi subsidio di Hulanda. Y no por a duna un fecha of tempo cu esaki lo termina. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.