fbpx
September 21, 2021

Un yamada na tur productor di cine amateur of profesional na Aruba: Primi play pa mira competencia di cine ‘PlayGo Emerge’

Share on facebook
Share on Facebook
Share on whatsapp
Share on Whatsapp
0
0
Un yamada na tur productor di cine amateur of profesional na Aruba: Primi play pa mira competencia di cine ‘PlayGo Emerge’
Un yamada na tur productor di cine amateur of profesional na Aruba: Primi play pa mira competencia di cine ‘PlayGo Emerge’


PlayGo ta haci un invitacion na tur productor di pelicula rond Caribe pa participa na e PlayGo Emerge Film Competition. Laga nos celebra e diversidad den cultura y e similaridad cu ta uni nos como region. E competencia ta encurasha creadornan pa produci un ‘short film’ cu e tema Celebrate the National Pride of your Country.

E competencia cu ta dura te cu 30 di september, ta invita productornan den 3 categoria; Hobennan di edad di 12 pa 18 aña, Aspirante –te cu 5 aña di experiencia, y Pro – mas cu 5 aña di experiencia. Pa participa, e produccion mester tin un duracion di entre 5 pa 15 minuut y  mester pertenece na un di e siguiente generonan: documentario, drama/ficcion, comedia, ciencia ficcion, animacion of reportahe fotografico.

Participacion ta limita na video of fotonan original; nan lo pasa den un ‘screening’ y despues lo keda presenta di manera cu publico por vota. Participantenan mester download e app PlayGo y tin un subscripcion activo. Seguidamente por registra pa e competencia door di ‘upload’ e video/foto riba e plataforma playgoemerge.com

Pa duna sosten na e participantenan, y tur cu ta interesa pa siña mas di cinematografia, tin un masterclass series cu profesionalnan di cine den Caribe manera entre otro Selwyn de Wind di Corsou, tambe Gabrielle Blackwood y Joel Burke di Jamaica y diferente mas.

Pa e serie aki, PlayGo a partner cu Third Horizon, un plataforma creativo di produccion y desaroyo cinematografico y otro formanan di arte den Caribe. E masterclass lo ta gratis obtenibel riba e pagina di Facebook di PlayGo. Total, lo tin 20 premio: premio cash entre $500 y $2500, Adobe Premiere PRO-1, un biahe cu tur gasto paga y diferente otro premio mas.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.