fbpx
September 21, 2021

Landado Allyson Ponson a competi awe pa Aruba na Tokyo

Share on facebook
Share on Facebook
Share on whatsapp
Share on Whatsapp
0
0
Landado Allyson Ponson a competi awe pa Aruba na Tokyo
Landado Allyson Ponson a competi awe pa Aruba na Tokyo
Posted on 07/30/2021 9:25 am AST | Updated on 07/30/2021 9:26 am AST

TOKYO – Landado Allyson Ponson tabata e ultimo atleta di Aruba cu a competi den e Weganan Olimpico di Tokyo 2020 diabierna. Diabierna mainta e Weganan Olimpico di  Tokyo 2020 a continua cu e evento mas liher den landamento esta e 50m freestyle cu nos landado femenino Allyson Ponson. Na e Pisina Olimpico di Tokyo y apoya pa nos delegación di Aruba, Allyson a landa e ultimo evento pa Aruba na e Weganan di Tokyo. E disciplina di 50m estilo liber ta esun mas lihe den e deporte aki. Guia pa su coach Ismael Santiesteban, Ally a landa su di dos 50m den un Wega Olimpico, ya cu na Rio 2016, Ally a landa riba e mesun discipina aki.

Na final Allyson ta registra un tempo di 26.03 y ta keda na posicion number 7 den su heat. A lo largo Allyson Ponson ta keda na di 39 luga overall den 81 participante. Si nos haci un comparicion cu e Weganan na Rio de Janeiro 2016, Allyson ta landa e 50m estilo liber den un tempo di 26.00, pues na Tokyo, Allyson tabata 0.3 riba su tempo. E tempo mas lihe na Tokyo a wordo landa pa Emma Mc Keon di Australia cu 24.02 cual tabata un Olympic record

Notable ta cu Allyson su miho tempo riba e 50m free ta 25.84, mientras e no a logra supera esaki den e Weganan Olimpico di Tokyo. Asina mes nos tin sigur cu Allyson a duna tur di su banda. Na Aruba landado, Allyson Ponson a entrena bou guia di coach Ismael Santiesteban pa e gran dia aki.  

Texto cortesia Seever Krozendijk  Potret: COA. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.