fbpx
September 21, 2021

Mas cu 90% di e fondonan genera pa e loteria di Lotto ta keda na Aruba

Share on facebook
Share on Facebook
Share on whatsapp
Share on Whatsapp
0
0
Mas cu 90% di e fondonan genera pa e loteria di Lotto ta keda na Aruba
Mas cu 90% di e fondonan genera pa e loteria di Lotto ta keda na Aruba


Desde 2012, Lotto e loteria national ta wordo opera pa Canadian Bank Note Aruba (“CBNA”) cu ta consisti completamente di un team local cu ta un subsidiario di Canadian Bank Note Company (“CBN”). Cu CBNA su maneho profesional, a logra  maximalisa e fondonan cu e loteria ta genera. Desde cu CBNA a asumi maneho, e benta averahe anual a subi cu 10 miyon florin. Asina por sigui brinda fondonan pa deporte den su totalidad.

Na varios ocasion mandatarionan ta trece informacion eroneo na pueblo tocante con e fondonan di Lotto ta wordo reparti y con CBN ta wordo compensa pa su servicionan. CBN y CBNA ta desea pa pueblo ta bon informa tocante e realidad di e situacion. Entre 2012 cu 2020 e bentanan cu Lotto a genera, a wordo reparti den e siguiente forma en averahe.

E parti mas grandi di e benta, mas o menos 49%, a bay bek na pueblo den forma di premio. Deporte den su totalidad ta haya 15%. Operacion di e loteria (personal, mercadeo, sorteo, utilidad, etc.) a costa 15%. E 180 rebendedornan cu ta depende di e comision di lotto como entrada a conta cu alrededor di 11%. CBN a cobra mas o menos 8% pa e tecnologia y maneho cu e ta ofrece y finalmente e loteria a contribui na caha di gobierno cu 2% di su benta en averahe via impuesto. E cifranan aki por wordo verifica den e cuentanan anual di Fundacion Lotto pa Deporte cu ta publico.

Manera ta wordo ilustra aki riba, CBN no ta cobra un suma halto manera ta wordo treci dilanti pa mandatarionan. Parti di e acuerdo ta cu CBNA ta responsabel pa paga tur gasto di operacion di e loteria, tecnologia y maneho; ta un parti minimo di e 8% cu CBN ta cobra pa tecnologia ta forma ganashi pa CBN. Ta importante pa remarca, mas cu 90% di e fondonan genera pa e loteria ta keda na Aruba.

CBN y CBNA semper ta purba mantene un bon dialogo cu tur gobierno pa percura cu gobierno ta bon informa y tambe pa hunto purba yega na solucion general na bienestar di Aruba. CBN y CBNA tin solucionnan con pa por crea mas fondo y ta spera cu e proximo gobierno ta habri pa dialogo y colaboracion pa engrandece deporte den su totalidad.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.