fbpx
September 21, 2021

Abogado mr. Hendrik Croes ta baha cu pensioen

Share on facebook
Share on Facebook
Share on whatsapp
Share on Whatsapp
0
0
Abogado mr. Hendrik Croes ta baha cu pensioen
Abogado mr. Hendrik Croes ta baha cu pensioen


Desde aña 1967, durante casi 55 aña, Hendrik S. Croes a eherce a trabou di abogacia, como abogado y teniendo na cuenta su edad avansa, el a opta pa inicio di e aña aki, pa habri un dialogo cu su socionan y a anuncia su deseo di baha cu pensioen y stop di practica abogacia. Den e proceso ta pasa timon di e bufete na esunnan cu a crece hunto cu ne den e tradicion cu a inicia na luna di mei di aña 1970. 

Durante su añanan, el a yega di laga e profesion di abogado pa eherece diferente otro funcionnan den Antias, como Ministro di Educacion y Asuntonan Constitucional (1973-1975), Minister di Husticia y Asuntonan Constitucional (1979-1981), Ministro encarga cu e preparacionnan pa Status Aparte di Aruba, Vice-Minister President y Ministro di Salud (1984-1985), y pa Gobierno di Aruba, el a ocupa e funcion di Ministro di Husticia y Deporte (1989-1993). Tambe el a sirbi su pais den comision Biesheuvel y den e Commissie Banden met Brussel/Van Beuge.

Hunto cu Croes-Wever-Ruiz, el a prepara un programa di traspaso pa informa nan clientenan debidamente. E bufete di abogadonan Croes-Wever-Ruiz ta desea su fundado, cu ta conoci como un activista den abogacia, un retiro pacifico y bon mereci pa awor por sigui traha riba su memorianan y dedica na su pasatemponan, manera traha cu mata den cura y hunta tennis. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.