fbpx
September 21, 2021

Nobentidos persona di cada diez mil no vacuna a drenta hospital

Share on facebook
Share on Facebook
Share on whatsapp
Share on Whatsapp
0
0
Nobentidos persona di cada diez mil no vacuna a drenta hospital
Nobentidos persona di cada diez mil no vacuna a drenta hospital


For di comienso di juli 2021 cu e variante Delta a haci su entrada na Aruba, hopi lihe e variante aki a causa preocupacion ora el a plama causando un brote grandi di casonan di COVID-19.  

E variante Delta a wordo categorisa como un variante mas contagioso compara cu otro variantenan y esaki nos por a experencia tambe na Aruba ora di haci comparacion cu e brotenan anterior di COVID-19.  

Te cu dia 12 di september 2021, nos tin na Aruba un total di 70.105 (75%) asegurado di AZV riba 12 aña cu si a vacuna y 23.668 (25%) asegurado di AZV cu no a vacuna. 

E informacion aki ta hopi importante pa analisa: di e 70.105 (75%) cu si a vacuna, 42 persona a drenta hospital relaciona cu COVID; y di 23.668 (25%) cu no a vacuna, 219 persona a drenta hospital for di cuminsamento di juli te cu dia 12 di september.  

Si nos recapitula tur data for di 1 juli 2021 te cu 12 di september 2021, nos por conclui cu pa cada 10.000 ciudadano cu no a vacuna, 92 a ta drenta hospital relaciona cu COVID-19; y pa cada 10.000 cuidadano cu si a vacuna, 6 persona a drenta hospital relaciona cu COVID.  

E analisis aki ta basa riba e cifranan di asegurado di AZV. Motibo cu ta uza e cifranan di AZV pa e analisis aki ta pa motibo cu e cifranan registra ta logra un analisis cu un resultado real y confiabel. E cifranan aki no ta inclui hende indocumenta of studiante di afo cu a vacuna of cu por vacuna ya cu aki no tin exactitud y e midimento lo bira un calculacion proyecta.  

Pa medio di analisis continuo, DVG ta sigui evalua y dirigi su maneho di vacunacion cu ta demostrando di ta hopi efectivo den preveni hospitalisacion y hasta den scapa bida di nos ciudadanonan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.