fbpx
September 21, 2021

Pastoor Marcel Balootje. Fortaleza pa famia: Identifica bo mes.

Share on facebook
Share on Facebook
Share on whatsapp
Share on Whatsapp
0
0
Pastoor Marcel Balootje. Fortaleza pa famia: Identifica bo mes.
Pastoor Marcel Balootje. Fortaleza pa famia: Identifica bo mes.


Den Mateo12:50 (Mateo capitulo 12 versiculo 50) Hesus ta bisa : Pasobra ken cu haci e boluntad di Mi Tata cu ta den cielo  esey ta Mi ruman  homber  y ruman muhe y mama.

No tin splicacion mas bunita cu esaki , pa un hende identifica su mes como ruman di Hesus, mas ainda nos tur sa cu tin  gran beneficio  den  esaki ora nos por identifica nos mes como ruman di Hesus.

Como ruman di Hesus, nos mester compronde awo mas cu nunca , cu nos mester stima otro, nos no por kibra otro, nos no por keda biba den pasado di otro, nos mester duna otro un oportunidad mescos cu nos ta desea pa nos mes, nos mester pordona otro, nos no por trapa riba otro pa mustra nos grandesa.( 1Juan 4:16 (1Juan versiculo 4:16).

Den e bida aki no tin un hende cu nunca no a haci un fout, ora e fout ta scondi nos ta ataca otro, pasobra segun nos ningun hende sa nos fout, pero locual nos ta lubida ta , cu

Dios, si conoce nos completamente, y Dios mes lo saca tur cos na cla , pasobra tur locual hende sembra nan ta cosecha,y ningun hende por gaña Dios.

Ta  dos banda tin, sea bo ta cu e bon of bo ta cu e malo; Aunke a ta zona duro of bruto pero un hende mes tin cu tuma nota na cual  banda e ta ,pasobra Amistad cu mundo ta enemistad cu Dios.

Awor den boluntad di Dios pa bo famia, no por tin violencia domestico,yiu cu ta rebeldia, y hisa man pa su mama, ruman cu ta odia su propio ruman, tata cu no kier pordona yiu, esey

ta cos nan cu ta mustra nos inmediatamente cu nos tin cos di arepenti , drecha, y bira  ruman di Hesus.

Hopi hende ta lubida principio nan di bida y  famia, cual ta  e regla di oro pa e ser humano ta den boluntad di Dios, y esey ta stima bo prohimo manera bo mes.

Saulo di Tarso den su ignorancia, aunke e tabata un homber bon studia, bo por bisa e tabata un hurista, un homber cu conoce ley y  Saulo tabata uza esey pa persigui cristiannan ,den su presencia Esteban a wordo Piedra y Saulo  a consenti cu e esey. Pero despues di a arepenti e a bira ruman di Hesus Cristo haciendo e boluntad di e Tata, e mesun Saulo di Tarso a bira Apostel Pablo, for di kende nos a ricibi casi 2/3 parti di Testament Nobo pa nos por siña for di dje. Amor di Dios ta cambia bida di hende, ora nos arepenti.

E unico manera pa bo por identifica bo mes como ruman di Hesus Cristo ta door di haci e boluntad, di Dios cual ta cuminsa cu e prome stap di entrega bo bida na Señor abo y bo cas.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.