fbpx
September 21, 2021

Sin cu ningun hende sa: ‘Big Kaiser’ a yega Aruba cu ilegal

Share on facebook
Share on Facebook
Share on whatsapp
Share on Whatsapp
0
0
Sin cu ningun hende sa: ‘Big Kaiser’ a yega Aruba cu ilegal
Sin cu ningun hende sa: ‘Big Kaiser’ a yega Aruba cu ilegal


Diamars den oranan di marduga un ‘speedboat’  Venezolano a yega Aruba y ningun hende a descubri e yegada di e boto aki yena cu ilegal. E boto ta di mas o menos 29 pia cu un motor Yamaha two stroke cu 140 di horsepower, pues un boto cu por alcansa un velocidad bastante halto, specialmente riba lama plat manera tabata e caso marduga.

Personal di Kustwacht a haya un yamada diamars mainta caminda a informa nan cu e boto ta pega riba e barancanan mas o menos 400 meter pariba di Santana di Cacho. Aworaki nan tin cu bay wak ta con ta bay saca e boto. Den casonan asina, normalmente ta polis maritimo ta tuma over y ta confisca e boto pa haci algo otro cu ne of bende.

No ta conoci cuanto persona a yega nos isla riba e boto. Riba e boto nan a haya pan, boei, vest, propellor di spare. E boto a yega Aruba sin cu ningun radar a capt’e, sinembargo, e piscadonan cu tabata riba lama marduga a bisa cu nan a scucha un boto pasa band’i nan sin luz.

E boto ta procedente di Puerto La Cruz, y awo ta bou di investigacion pa purba haya sa precisamente cuanto hende a bin abordo y si tabatin droga riba esaki. Keda pendiente pa mas informacion.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.