fbpx
November 30, 2021

Conchi a habri bek: A saca resto di boto fo’i e pool natural

Share on facebook
Share on Facebook
Share on whatsapp
Share on Whatsapp
0
0
FNPA a logra cu su meta: A traha duro pa Conchi habri awe
FNPA a logra cu su meta: A traha duro pa Conchi habri awe


Fundacion Parke Nacional Arikok (FNPA) a anuncia riba nan pagina di Facebook cu Conchi, conoci como Natural Pool, a habri bek. Pa dos dia a cera e atraccion natural aki pa motibo di derame di gasolin, pero tambe door di resto di boto chikito cu a dal y kibra n’e barancanan. Consecentemente esaki a contamina e awa paden.

Door cu e gasolin a lek unda a destrui coral y a mata bida marino, pero tambe a crea condicion peligroso pa e bishitantenan. Pero pa dos dia e park rangers a haci nan esfuerso pa limpia Conchi, e famoso atraccion pa turista. Y no a detecta mas residuo di gasolin. Desde Awe tur hende por yega Conchi un biaha mas y pa pasa un rato agradabel.

Aunke ainda tin poco resto di boto den e lama di costa rond di e piscina natural, ta spera di por logra recolecta esakinan den e proximo dianan. Ta bay monitor e bida marina di cerca por lo pronto pa asina evalua kico ta e daño ambiental riba termino largo.

Ta gradici enormemente e dedicacion di e parkrangers na e trabou duro y na tur esunnan cu a reacciona na e situacion aki ofreciendo nan ayudo. Por ultimo FPNA ta boga pa un y tur sigui comporta responsabelmente y respetuosamente pa cu naturalesa.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.