fbpx
November 30, 2021

Masahista cu man los durante su trabou riba hende muhe

Share on facebook
Share on Facebook
Share on whatsapp
Share on Whatsapp
0
0
Masahista cu man los durante su trabou riba hende muhe
Masahista cu man los durante su trabou riba hende muhe


Diabierna Corte di Prome Instancia a trata caso contra masahista M. M. El a scucha fiscal exigi castigo combina p’e, mas tres aña sin por traha como masahista. Fiscal ta haya proba cu el a viola un dama local y tambe di a mishi na parti intimo di un turista Mericano.

E turista tabata di vakantie cu su famia na november 2019 y a bay tuma masashi, pasobra e tabata tin dolor di lomba. Durante masashi, M. a pidie bira boca’riba y pa kita su panty. Na dado momento e turista a sinti cu e masahista a mishi cu su parti intimo. Aunke el a reacciona riba e incidente, e masahista a bis’e relaha. Pero un biaha mas e victima sinti cu e masahista a yega na su parti intimo, pero e biaha aki a penetr’e cu su dede. Un biaha mas el a reacciona y M. M. a pidi disculpa. Pero aparentemente esaki no ta prome bes cu el a haci esey, pasobra un otro turista a bisa di pasa den mesun situacion. E diferencia ta cu el a cuminsa na su pianan y bay ariba, unda a mishi cu su parti intimo pero no a penetr’e.

E suceso aki a afecta e victima, kende a bay busca yudansa profesional y ainda ta bou tratamento. El a pasa den diferente cos y p’esey a demanda e masahista, kende ta nenga e acusacionnan aki. E acusado ta bisa di no a mishi cu niun di dos turista. Fiscal a indica cu e denunciante tin tur prueba. Hues a scucha ambos partido y awo ta bay studia e caso, cual dia 7 di October lo duna sentencia.

Pa cobertura mas amplio, lesa e edicion di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.