fbpx
October 24, 2021

Grupo di hoben causando molester den Highrise area

Share on facebook
Share on Facebook
Share on whatsapp
Share on Whatsapp
0
0
Grupo di hoben causando molester den Highrise area
Grupo di hoben causando molester den Highrise area


For di basta tempo caba tin un tendencia andando, esta cu den weekend, algun grupo di hoben tabata cana causa molester den e area rond di Paseo Herencia y Palm Beach Plaza. 

Trahado di siguridad di ambos centro comercial a haci nan best pa trata di mantene e area safe pa nan bishitantenan, pero nan man ta huridicamente mara y hopi biaha ta haya nan mes ta pidi asistencia di polis pa yuda resolve dicho problema.

Diasabra no tabata un excepcion. A drenta varios informe cu un grupo tabata canando den y alrededor di emallnan y hasta a mira un di nan cu un obheto, posiblemente un arma blanco den su poder.

A duna e polisnan den area e descripcion y mesora un grupo di polis, cu tabata staciona dilanti Holiday Inn, a cuminsa busca den area pa e persona menciona. Polis a logra di haya e persona hunto cu un otro grupo di hoben na entrada di Palm Beach Plaza Mall, cu tabata cuadra cu e descripcion, pero no a haya nada riba dje.

A core cu e grupo y a cuminsa un buskeda chikito den e area pa wak si nan por haya e arma benta of scondi, pero esaki tabata envano. Polis a keda den e area pa vigila.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.