fbpx
October 24, 2021

Bestuurskantoor a wordo bendiciona pa Pastoor Andres Makoviec

Share on facebook
Share on Facebook
Share on whatsapp
Share on Whatsapp
0
0
Bestuurskantoor a wordo bendiciona pa Pastoor Andres Makoviec
Bestuurskantoor a wordo bendiciona pa Pastoor Andres Makoviec


Dia despues di huramentacion di Ministernan pa Gabinete Wever-Croes II, a haya bishita di Pastoor Andres Makowiec pa duna bendicion na cada Minister y Bestuurskantoor en general. Esaki den tur sentido tabata un dia bendiciona pa Gabinete Wever-Croes II siendo e prome dia di trabou oficial di Gabinete Wever-Croes II.

Prome cu mandatarionan a drenta den nan respectivo oficinanan den Bestuurskantoor, nan a haya bendicion di Pastoor Andres Makoviec dilanti di e edificio pa ricibi tambe e bendicion y guia di Dios pa nan cumpli cu nan trabou debidamente y pone Aruba na prome luga.

Hunto cu Pastoor Andres Makoviec, e mandatarionan a drenta Bestuurskantoor. Henter e edificio y cada oficina y espacio a wordo bendiciona mientras Pastoor tabata resa pa e bienestar y proteccion di Gobierno y pueblo di Aruba.

Pastoor Andres Makoviec a desea Gabinete Wever-Croes II hopi sabiduria, elocuencia y comprendemento spiritual pa goberna nos pais y forsa pa enfrenta tur cos cu hopi pasenshi. Pastoor a encurasha e ministernan pa keda uni pa asina hunto tuma e miho decisionnan pa miho desaroyo di nos pais.

 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.