fbpx
October 24, 2021

Melony Croes-Paesch (Caso IBIS): “Si mi acepta trabou comunitario mi ta admiti mi culpabilidad”

Share on facebook
Share on Facebook
Share on whatsapp
Share on Whatsapp
0
0
Caso Ibis: Defensa ta para riba cu su cliente ta inocente
Caso Ibis: Defensa ta para riba cu su cliente ta inocente


Diamars Corte di Apelacion a trata caso Ibis, unda cu a trata specificamente caso Ibis, specificamente di Melony Paesch -Croes. El a bisa cu e kier traha den tur trankilidad y pa limpia su nomber.

Un di e puntonan trata tabata discrepancia financiero di negoshi di Melony Croes-Paesch. Segun fiscal, e negoshi aki su gastonan tabata hopi mas halto cu su entradanan. 

ABOGADO GENERAL

Durante tratamento di e caso, AG a indica cu via negoshi di Melony Croes-Paesch, nan a laba mas di 209 mil florin, via Silk & Cotton. Segun OM Melony mes a declara cu e no sa con e calculacion di placa ta sosode. E lo a manda su recibonan pa accountant y ta laga accountant handle cu tur cos. Pero segun AG, nan a gasta mas di loke nan tabata tin na entrada. 

Corte di apelacion a finalisa di tratamento di caso Ibis

Corte di apelacion a finalisa di tratamento di caso Ibis

Posted by 24ora on Tuesday, September 21, 2021

DEFENSA

Di otro banda, abogado mr. Demis Illes, ainda  Ministerio Publico ta para riba cu a laba mas di 209 mil florin. Pero segun abogado Illes, esaki no ta corecto, ya cu Croes-Paesch a duna tur splicacion, a entrega tur papel cu e tabata tin pa verifica cu su entradanan tabata legal y cu tabata tin un fout den calculacion, pa cual Ministerio Publico a baha e suma di 209 te cu 111 mil florin.

ULTIMO PALABRA

Hues a dun’e oportunidad pa hiba ultimo palabra, unda cu el a bisa hues, cu e no por acepta e 240 ora pa comunidad, pasobra esey lo ta mescos di acepta cu e ta culpabel. El a sigui bisa cu e ta bin di famia di mama y wela soltera y semper nan a siñ’e pa ta independiente. 

Actualmente, tur porta di tur banco ta cera, hustamente door di tratamento di e caso aki. Unico cu e ta pidi ta pa por traha den tur trankilidad y esey ta posibel unicamente door di limpia su nomber. 

Pa mas informacion, lesa TREMPAN di mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.