fbpx
January 18, 2022

IBiSA ta cla pa actividad di Deporte Escolar

Share on facebook
Share on Facebook
Share on whatsapp
Share on Whatsapp
0
0
IBiSA ta cla pa actividad di Deporte Escolar
IBiSA ta cla pa actividad di Deporte Escolar


Despues di un vakantie escolar largo IBiSA ta bay cuminsa cu su actividadnan di Deporte Escolar y Hoben Activo Hoben Feliz. 

Deporte Escolar ta duna tur scol y studiante e oportunidad di competi den un deporte di ekipo como tambe deporte individual. IBiSA su calendario deportivo ta cana paralelo cu esun escolar.  E prome competencia ta di trefbal y ta solamente pa scol basico y e ta tuma luga den e siguiente districtonan: San Nicolas, Santa Cruz, Noord y Playa. Despues di competencia pa districto IBiSA ta bay organisa e final unda cada scol ganado den su districto ta topa otro pa saca e ganado absoluto. 

Inscripcion ta tuma luga solamente via scol y e categoria ta A cu ta (2011 – 2013) y e ta tuma luga dia 25 – 29 di october, categoria B ta (2008 – 2010) y e ta tuma luga 18 – 22 di october e competencia ta pa mucha muhe.

Pa mas informacion di e calendario deportivo escolar por bay riba IBiSA su pagina di facebook unda ta haya un link y ta dirigi bo na e google file cu tur detaye. 

Hoben Activo Hoben Feliz ta un proyecto unda e hobennan di e edad di 8 pa 13 aña ta bin siña un deporte nobo cu trainer di un federacion of di un club den un forma dushi y saludabel; e programa ta dialuna y diaranson for di 15:30 pa 17:00 den e districtonan di San Nicolas cu e deporte di Judo, Santa Cruz cu e deporte di Atletismo y na Noord cu e deporte di Capoeira. E fechanan cu nan ta bay tuma luga ta 20, 22, 27 y 29 di september y e inscripcion ta totalmente gratis.

Por haya e link riba IBiSA su pagina di facebook of por mail [email protected] pa mas informacion si ta necesario. 

Sigui nos riba nos pagina social IBiSA Aruba y keda bon informa di tur programa y conseho di salud.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.