fbpx
October 24, 2021

Lo explora generacion di coriente cu fli den Parke Nacional Arikok

Share on facebook
Share on Facebook
Share on whatsapp
Share on Whatsapp
+3
0
Lo explora generacion di coriente cu fli den Parke Nacional Arikok
Lo explora generacion di coriente cu fli den Parke Nacional Arikok


Un unidad tecnico procedente di Hulanda di Forsanan Real di Ehercito (Koninklijke Landmacht) ta eherce ehercicio durante e periodo venidero tanto na Aruba, Corsou y Sint Maarten. Awe e ekiponan grandi cu ta regarda esaki ta yega Corsou, via transporte maritimo. E ehercicio, titula ‘Caribbean Engineer’, ta cuminsa riba 27 di september y ta dura cuater siman.

E unidad, ‘101 Geniebataljon’, ta consisti di tecnico/ingenieronan cu diferente experticio. Nan ta militar y tambe specialistanan riba tereno di construccion. E periodo venidero nan ta ehecuta un programa cu, di un banda ta consisti di diferente ehercicio militar (entre otro na Wacawa y Parke Nacional Arikok) y di otro banda nan ta bay cuminsa cu multiple tarea di construccion pa diferente entidad, entre otro pa defensa mes.

Di e forma ey e expertonan den construccion, encarga pa Carmabi ta bay cuminsa den e area di naturalesa na Sint Joris (Corsou) cu un brug pa peaton na un crusada di awa chikito. Na Parke Nacional Arikok na Aruba, e militarnan ta sostene, entre otro, un proyecto di sostenibilidad di ‘Kite Power’, caminda ta bay haci un test, pa genera energia pa medio di un fli grandi. Diferente servicio ta necesario pa esaki.

Tambe pa defensa mes e unidad di expertonan ta bay cuminsa traha. Asina na Kazerne di Marina na Savaneta ta bay construi un cas pa practica ehercicionan di ‘desempeñonan den areanan urbano’.

Ehercicio den circunstancianan climatologico desafiante

Pa e unidad cu ta bini for di Hulanda, e ehercicio na Aruba, Corsou y Sint Maarten tin un balor agrega amplio. E circunstancianan climatologico den region Caribe ta comparabel cu e circunstancianan den hopi area di mision. Pa e motibo ey e ehercicio aki ta duna e oficialnan di ehercito e chens pa por train den circunstancianan similar. 

E unidad ta consisti di mas cu 150 militar cu ta reparti y ubica riba e tres islanan. Pa e trabounan di construccion tin 40 vehiculo militar cu a manda via transporte maritimo pa Corsou y Aruba. E barco a yega awe den waf di Willemstad. Ta descarga un parti di e vehiculonan eynan y despues e barco ta sigui nabega direccion Oranjestad na Aruba. Un parti chikito di e unidad ta sigui un programa di ehercicio na Sint Maarten. E ehercicio ‘Caribbean Engineer’ ta dura te cu dia 22 di october.

COVID-19

Tur e militarnan cu ta biaha y ta drenta nos pais, adelanta (no mas cu 48 ora) a test negativo pa COVID-19 y ta completamente vacuna. E unidad ta sigui cu e instruccionnan cu ta valido na Aruba, Corsou y Sint Maarten.

Share on facebook
Share on Facebook
Share on whatsapp
Share on Whatsapp
+3
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.