fbpx
October 24, 2021

Ta renoba Centro di Bario Dakota pa uni bario bek

Share on facebook
Share on Facebook
Share on whatsapp
Share on Whatsapp
0
0
Ta renoba Centro di Bario Dakota pa uni bario bek
Ta renoba Centro di Bario Dakota pa uni bario bek


Na 1976 a construi Centro di Bario Dakota, pero awo na 2021 ta renob’e. Tur preparacion a cuminsa despues di mas di 40 aña di Centro di Bario Dakota. Desde algun aña ta preparando p’e renobacion cu e meta pa uni e bario bek.

Jair Oduber, presidente di Centro di Bario Dakota, a splica cu desde 2019 nan a cuminsa cu algun cambio. A cuminsa cu pago, sinta cu contratista en conexion cu detaye dje cambionan cu nan kier haci. Esun di cura tabata final di 2019, unda a cuminsa sinta cu e contratistanan. Na momento cu a termina cu tur cos, pandemia a bati na porta y tur cos a para keto te awo na 2021. Nan a haya oke fo’i dje contratista cu tabata druk, y a cuminsa renoba e cura, e parti di turf y basketball.

Na 2020 a sinta cu un otro persona en conexion cu e nomber di Centro di Bario Dakota, cual a kit’e y no tabata mas riba e muraya. Nan a logra cu esey y pone luz LD tras di e letranan pa hacie un tiki mas innovativo. Siman atras nan a termina cu parti ey y a cuminsa traha riba dje siman pasa diamars. Esey ta algun renobacion cu a cuminsa cu ne, tambe na 2019 un parti a cuminsa cu renobacion parti paden. Seis luna atras a renoba e parti di oficina di Centro di Bario Dakota y a haci esey cu ayudo di sede Samenwerkende Fonds, cual a haya ayudo di trahado social Anky, kende ta encarga cu e parti di actividad dje Centro di Bario.

Loke kier logra ta cu Dakota ta conoci pa futbol, pero pa loke ta e Centro di Bario e enfoke ta pa uni e bario mes manera tabata antes. Segun Oduber, antes tur hende tabata yega eynan pa combersa. Nan kier lanta bek e parti di basketball y ta papiando cu persona pa renoba veld, kier bin cu domino y a inverti den algun mesa.

Pa cobertura mas amplio, lesa e edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.