fbpx
November 30, 2021

Hit and run: Alcansa peaton na Shiribana y lag’e benta cant’i caminda

Share on facebook
Share on Facebook
Share on whatsapp
Share on Whatsapp
0
0
Hit and run: Alcansa peaton na Shiribana y lag’e benta cant’i caminda
Hit and run: Alcansa peaton na Shiribana y lag’e benta cant’i caminda


Diaranson anochi alrededor di 7:00 pm polis a presenta dilanti Tao Bou na Shiribana p’un caso di hit and run. Aki ta caminda cu un auto a alcansa peaton y lag’e benta cant’i caminda sin para. E peaton tabata keha di hopi dolor na su lomba y otro parti di su curpa.

Ambulance a presenta p’asina brinda atencion medico na e peaton herida. Algun testigo a hunga un rol grandi den e accidente aki, mirando cu a nota cua tabata auto y hasta e plach’i number. A duna tur informacion na e specialista di trafico, hunto cu imagen di e establecimentonan den cercania a cuminsa cu e proceso di investigacion mesora.

Auto a alcansa peaton y lag’e benta

Posted by 24ora on Wednesday, October 6, 2021

No a dura mucho, mirando cu ya pa 10:00 pm polis a bin topa cu e auto cu a alcansa e peaton para dilanti di un cas na Palm Beach. A confisca e auto marca Haval numera A-17765 color preto y a hib’e pa warda di polis pendiente investigacion. Tin cu remarca cu no a detene ningun persona ainda. Ley ta bisa claramente, cu hit and run ta castigabel.

A topa cu auto cu a dal peaton y lag’e benta cant’i caminda na Shiribana

Posted by 24ora on Wednesday, October 6, 2021

E ley ta bisa: “E ta castigabel pa ley, na momento bo causa un accidente y baha na awa bay. Laga daño, hende herida atras y of bo laga bo auto atras. Abo como chauffeur mester keda na e sitio di e accidente. – articulo 4, sub 2 di LWV.”

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.