fbpx
November 30, 2021

Laboratorio Medlab Aruba un biaha mas ta conta cu Acreditacion segun normanan internacional

Share on facebook
Share on Facebook
Share on whatsapp
Share on Whatsapp
0
0
Laboratorio Medlab Aruba un biaha mas ta conta cu Acreditacion segun normanan internacional
Laboratorio Medlab Aruba un biaha mas ta conta cu Acreditacion segun normanan internacional


Departamento di Biologia Molecular di Laboratorio Medlab ta tuma e gran honor di anuncia cu un biaha mas ta ser acredita segun normanan internacional pa oficina Guatemalteca de Acreditacion (OGA), un instancia renombra y reconoci pa IAAC y ILAC cu ta conta cu scope di acreditacion pa inspeccion di diferente organisacion mundialmente. Un componente di e sistema nacional di calidad di Ministerio di Economia di pais Guatemala.

Proceso di acreditacion

E proceso di acreditacion tabata un proceso profundo caminda cu ta inclui diferente rekisito di norma ISO 15189:2012 cu ta evalua e parti tecnico y di Quality Management System den e caso aki pa testnan di COVID-19 (PCR, Antigen). Un proceso cu a tuma mas o menos 8 luna cu al final a conta cu su fruto di por a completa y ricibi acreditacion bou norma internacional di ISO 15189:2012.

Proceso di auditoria

E proceso di auditoria a dura un total di 27 ora/ 3 dia cu a cumpli cu evaluacion profundo tanto di e  parti tecnico como e di Quality Management System, sigui pa un revision extensivo di documentonan. Auditornan a entrevista diferente Test Agents y recepcionista cumpliendo cu e trabou na diferente centro di test di COVID-19 estableci pa Laboratorio Medlab Aruba. A revisa entrenamento pa verifica si ta cumpli cu tur rekesitonan implementa. Conocimiento di quality policy y implementacion corecto di esaki. A conta cu evaluacion tambe di proteccion di uzo di medidanan di biohazard segun regulacionan internacional, transportacion adecuado di muestranan di pashent, registro di pashent den sistema, sistema di procesamento di muestra cu ta cumpli cu control di calidad interno y externo, validacion di equipo, reglanan di bioseguridad, training di bioanalistanan di e laboratorio, release di resultadonan, y e normanan di seguridad pa cu “samples disposal”.

Resultado di auditoria

Resultado final di e auditoria a indica cu Laboratorio Medlab Aruba ta cumpli cu 100% di rekisitonan tecnico y di calidad pa detecta SARS-CoV-2 cu metodo di PCR den real time- tecnica di biologia molecular y deteccion di test di Antigen specifico di SARS-CoV-2 cu metodo di inmunoflourescencia.

Desde Diahuebs September 30, 2021, Laboratorio Medlab Aruba un biaha mas ta wordo reconoci mundialmente pa presta e servicio aki segun normanan internacional. Sigur un reconocimento na e team completo, ya cu cada un di empleadonan den diferente funcion a haci nan esfuerso pa cumpli cu tur rekisito necesario pa un provision adecua di un servicio di calidad y oportuno.

Kiko tin pa e futuro di e laboratorio?

Esaki ta un paso grandi pa e laboratorio cu ta demostra cu tin e capacidad pa amplia e servicio den otro area diagnostico uzando e plataforma aki di PCR cu calidad. Un compromiso cu a cuminsa 13 aña pasa unda cu a cumpli cu e prome acreditacion ISO 15189 na aña 2008 pa mantene e calidad na un nivel halto, tur na beneficio di nos pashentnan actual y futuro pashent. Laboratorio Medlab Aruba kier a gradici Oficina di Guatemalteca OGA, representantenan di parti di Directie Volksgezondheid, y Inspectie Volksgezondheid Aruba cual tabata presente na un manera virtual y a experiencia e resultado na momento cu e laboratorio a wordo reconoci pa su excelente trabou.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.