fbpx
October 24, 2021

Parlamento kedando cla cu nombramento di diesocho comision fiho

Share on facebook
Share on Facebook
Share on whatsapp
Share on Whatsapp
0
0
Parlamento kedando cla cu nombramento di diesocho comision fiho
Parlamento kedando cla cu nombramento di diesocho comision fiho


Fo’i siman pasa parlamento a cuminsa cu e comisionnan cual ta importante pa ta na nan luga, p’asina por cuminsa haci nan trabao, segun presidente di parlamento mr. Edgard Vrolijk.

Siman pasa caba tabatin e fisioterapistanan a entrega manifiesto y ta bon pa e comisionnan ta na nan luga pa nan cuminsa move y scucha tur hende. P’esey e comisionnan t’ey pa scucha y asina ey por crea nan mesun pensamento y sigur por sigui uza nan hermentnan importante cu nan tin pa por yama un OV (Openbare Vergadering), un OB (Openbare Bijeenkomst), un ‘vragenuur pa minister’. Ta un comienso pa nan por ehecuta nan trabao miho posibel.

A cuminsa pero no a caba siman pasa debi cu tabatin e comisionnan cu a habri, cu tin di haber con e constelacion di gobierno mes ta tambe. A bin diferente ministerio nobo, entre otro di integridad, naturalesa etc. Locual cu ta custuma cu ne cu tabatin manera un minister social, cual a sali full y ta hunto cu husticia. Asina a parti e comisionnan fo’i otro.

Tin un total di 18 comision fiho den parlamento cu ta entre otro comision di infrastructura, di medio ambiente, asunto social, comision di famia y cuido di nos grandinan, salubridad, enseñansa, como tambe di husticia, integridad y peticion.

Loke tambe Vrolijk a remarca cu fraccion di AVP a duna comentario riba e reparticion di presidencia y vice-presidencia den e diferente comisionnan fiho.

El a agrega cu a tuma decision pa loke ta coalicion cual tin cu respeta pa tin e presidente y vice-presidente.

N’e momento aki tin algun parlamentario cu a cab’i drenta manera Raymond Kamperveen y Misha Raymond, a pidi pa ta presidente y vice-presidente den varios comision. Naturalmente a honra esaki, segun Vrolijk. Awo nan tin cu haci nan trabao debidamente.

Por a scucha comentario di oposicion, pero no ta caba di scucha e entrevista completo of ta uza e parti mas importante na nan beneficio, unda cu Vrolijk a bisa cu den proceso tin cu cambia cu hasta por tin un presidente di parlamento den oposicion. Mester por cuminsa cambia e pensamento, cual no lo bay dura di un dia pa otro. Mescos ta trata di e comisionnan.

Vrolijk a spera un dia cu ta asina madura cu por tin presidente di otro partidonan den oposicion cu ta lidera e comisionnan y hasta den futuro por tin un presidente di parlamento di oposicion.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.