fbpx
November 30, 2021

Tayer a culmina den competencia di Fli

Share on facebook
Share on Facebook
Share on whatsapp
Share on Whatsapp
0
0
Tayer a culmina den competencia di Fli
Tayer a culmina den competencia di Fli


Cuminsando dia 4 pa dia 8 di october, Stichting Vrienden van Sportcentrum San Nicolas a tene un tayer riba trahamento di fli y na final lo tene un competencia di fli unda cu e participantenan por gana premio atractivo.

Esey lo tuma luga awe nochi na Centro di Bario Brazil, caminda cu lo tin un competencia di fli anochi cu luz y diasabra lo tin competencia di e flinan mas grandi.

Glen Benjamin Lacle, coordinado di IBiSA, a splica cu e programa ta consisti cu henter e siman a bin cu un tayer. Semper prome c’un competencia di fli, ta haci esaki caminda cu muchanan cu no sa nada di fli, por tin nan chens cu nan famia pa traha fli y competi mesora.

Stichting Vrienden van Sportcentrum San Nicolas ta sponsor tur mucha cu bin cu tur material y ta competi por nada den e competencia di fli.

E intencion ta cu e tayer ta bin semper prome cu e competencia di fli y e ta bay ta pasa cada dos luna y mey.

Diabierna tin e tayer di 6:30 pa 9:00 pm y di biaha lo tin e competencia di fli anochi, caminda cu por decora e fli. Aki e participante por uza su imaginacion pa decora e fli na su antoho. E fundacion lo husga e fli. Diasabra anochi lo ta e cabamento di e competencia di fli den anochi.

Diasabra den dia lo ta e comienso di fli parti mainta.

E competencia di fli lo continua diadomingo, combina cu un serie di actividad manera e competencia di kiniki, wega popular, rancamant’i cabuya, bulamento den saco y mucho mas. Tur cos cuminsando di 9:00 am te cu 10:00 pm.

Den e centro mes lo tin miniteca Genie cu lo entretene e publico. Nan tambe lo yuda cu e ‘aereal show’. Tambe lo tin ‘watersplash’, pool y dinojump p’e muchanan.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.