fbpx
October 24, 2021

Pelea di hende muhe den bar na Sero Biento

Share on facebook
Share on Facebook
Share on whatsapp
Share on Whatsapp
0
0
Pelea di hende muhe den bar na Sero Biento
Pelea di hende muhe den bar na Sero Biento


Diadomingo anochi, polis tabata basta ocupa cu varios pelea rond di nos isla. Un di e asistencianan tabata pa un pelea den Well Well Bar na Sero Biento. Segun informacion, tabatin tirament’i boter entre dos hende muhe den e bar. Un hende homber a bay pafo y a bin bek cu un ‘crescent wrench’, cu menos bon intencion. Presencia di polis tabata necesario prome cu e situacion a bay completamente fo’i man den e establecimiento cu tabata bon bishita na e momento ey. Ora cu polis a yega, algun persona a bula drenta nan auto pa bay for di sitio pero polis a duna nan ordo pa baha fo’i auto mesora.

A dicidi di listra nan mirando cu nan tabata haci poco sospechoso. Despues di a listra e auto, a laga nan bay. Polis a papia cu e doño di Well Well y a pidie pa cera e negoshi pa evita mas problema riba pleno diadomingo anochi.

Kico tabata e motibo cu e dos hende muhenan a tira otro cu boter den e luga a keda un misterio. Ambos a baha na awa ora a mira cu polis a yega. Ta e homber cu a bay defende nan so a keda atras cu e problema.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.