fbpx
November 30, 2021

Awe por ta un dia historico: Corte lo dicidi si ta habri mercado di internet na Aruba

Share on facebook
Share on Facebook
Share on whatsapp
Share on Whatsapp
0
0
Awe por ta un dia historico: Corte lo dicidi si ta habri mercado di internet na Aruba
Awe por ta un dia historico: Corte lo dicidi si ta habri mercado di internet na Aruba


Un bataya cu a start desde aña 2016 caba lo finalisa awe. Ta un dia historico den cual, atrobe, Corte di Aruba lo mester tuma un decision cu gobierno no ta capaz di tuma. Tur esaki pasobra e ta “politiek gevoelig”, esta un licencia pa Digicel por competi cu Setar na mesun nivel, cu mesun servicio, mesun licencianan y mesun oportunidadnan. Si hues dicta sentencia na fabor di Digicel, lo nifica cu a kibra e monopolio di internet cu Setar a gosa semper di dje y lo haci cu Digicel por core un kabel submarino di fiber pa ofrece mas capacidad y mas velocidad pa tur sorto di servicio y producto di comunicacion pa nos isla!

Dia 28 di maart 2021, net dos dia prome cu gobierno a cay, minister Chris Romero a firma e concesion pa Digicel por ofrece fiber riba tera y asina competi cu Setar riba tur servicio. Pero…ainda tabata falta algo! Digicel lo mester a cumpra data for di Setar, locual ta haci imposibel pa nan competi y ofrece miho servicio y miho prijs na e consumidonan.

Cu e realidad aki riba mesa, e compania di telecomunicacion cu ta presente den varios mercado Caribense, esta Digicel, a haci uzo di bufete di abogadonan De Cuba-Wever pa bringa e decision di Gobierno. Tabata varios bataya legal pero awe finalmente hues lo mester tuma un decision, sea ta habri e mercado pa data y fiber of ta mantene e monopolio pa Setar so ofrece servicio di internet pa nos isla. Pa lesa e articulo completo, lesa e edicion di TREMPAN di awe.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.