fbpx
November 30, 2021

Debut como solista: Ily cu videoclip nobo “Un Anochi So”

Share on facebook
Share on Facebook
Share on whatsapp
Share on Whatsapp
0
0
Debut como solista: Ily cu videoclip nobo “Un Anochi So”
Debut como solista: Ily cu videoclip nobo “Un Anochi So”


Idelien Geerman, miho conoci como Ily a lansa su videoclip nobo titula “Un Anochi So” y ta haci su debut den e mundo di farandula como solista. Ily a participa varios biaha den e festivalnan di Aruba por ehempel: Tumba Festival, Un canto na nos himno y bandera y a yega di participa diferente biaha den e parada di Bernadina Growell y mas. A pesar cu semper Ily a presenta den e festivalnan aki, el a bin ta descubri un talento nobo, cual ta composita letra y melodia y asina a cuminsa composita cantica pa festival di mucha. E videoclip cu eta lansando ta un produccion den man di Dani Cruz. Esaki ta prome videoclip di Idelien y e ta hopi orguyoso di esaki.

Un anochi so 

E composicion di letra y melodia ta completamente di Ily, y ta titula “Un Anochi So”. Bou areglo di Shuby, a graba, mix y master cerca Dwight Leoneta na DL music lab studio. E videoclip ta graba na Aruba mes cu un storia actua pa Tyron de Freitas y Miriam Diaz unda ta yuda na expresa e tema di Ily su cancion nobo “Un Anochi So”. 

Den punto di bista di un ser femenino, kier demostra e rol di ta esun cu ta tuma decision realisa den un manera intimo. E cancion ta den genero di bailabel cu un ritmo hopi pegahoso cu sigur lo ta hopi dushi pa baila riba dje. E videoclip y cancion lo ta obtenibel riba tur plataforma di media social por ehempel: YouTube, Facebook, Instagram, Spotify, Soundcloud y mas. 

Su mensahe

Ily kier gradici tur persona cu a aporta na e videoclip na cualkier manera y ta pura pa cuminsa su carera como solista den e mundo di farandula. Ily kier laga sa cu tin hopi na caminda, ya caba tres otro cancion cu lo sali tambe hunto cu nan videoclip despues di “Un Anochi So” tur bou composicion di su mesun persona.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.