fbpx
November 30, 2021

Famia buscando homber perdi na Haiti

Share on facebook
Share on Facebook
Share on whatsapp
Share on Whatsapp
0
0
Famia buscando homber perdi na Haiti
Famia buscando homber perdi na Haiti


Carnol Montilus ta un ciudadano procedente di Haiti, pero cu tin como 28 aña biba na Aruba y tin nacionalidad Hulandes. Na september el a bay Haiti pa e bin bek dia 6 di october. Pero ya pa casi un siman caba nan no sa di dje. 

Casa di Carnol, Crisna Montlius- Joly a bisa cu dia 8 di september su casa Carnol Montilus a bay Haiti y cu e lo mester a regresa Aruba bek dia 6 di october. Dia 5 di october el a Sali bay na Port-au-Prince, pero e no por drenta. For di e dia aki e no sa mas di su casa. Otro hende a bis’e cu su casa lo a muri. Pero e mes no sa nada. E ta pidi pa por fabor, autoridad di Aruba por yud’e door di contacto cu autoridad Haitiano pa nan por yude den e buskeda di su casa, Carnol. 

Su famia ta full preocupa, su yiunan no ta trankil tampoco. Loke kier ta pa un hende bise unda cu su casa ta. Crisna ta pidi pa un hende yude pa su casa por bin bek cas. 

Su yiu na Hulanda tambe ta preocupa, pero nan niun por bay Haiti, door di e situacion peligroso cu ta reina actualmente na Haiti. Ta pidi yudansa na e autoridadnan pa nan yuda nan den buskeda di nan famia. 

Su yiu muhe, Filsaina a bisa cu nan a cuminsa na bati porta di polis, pa nan entrega denuncia di un persona perdi, pa bisa polis cu di nan parti, nan no por tuma e denuncia. Consulado di Haiti tambe a bisa cu tampoco no por yuda nan.

 El a manda mail pa Ministerio Publico, Minister di Husticia, pero te dia di awe, famia no a haya niun contesta. Loke famia ta pidi pa gobierno pone presion pa yuda den buskeda di nan tata. Nan a haci entrega di denuncia di nan tata den un bario di Haiti, pero cu a bisa nan cu nan no por haci denuncia den e bario aki, ya cu e no a perde den e bario aki y cu nan mester entrega keho na un otro bario. Pero esaki ta un bario hopi peligroso, y niun hende no kier riesga nan bida pa drenta e bario aki. 

Esaki sigur ta un situacion hopi peligroso y ta pone e famia den mas angustia, mirando cu mas dia ta pasa bay y nan no tin siguransa di kico lo por a pasa cu nan tata. 

Nan a tende varios rumor, pero nada concreto. Famia ta pidi pa nan por tin algo concreto, un noticia

Ya caba ta seis dia cu nan a tende algo di nan tata y e angustia cu e famia aki ta bibando cu ne , ta hopi grandi. Loke ta haci e situacion un poco mas fastioso, ya cu e famia no ta bibando na Haiti.

Pa e famia por haya yudansa na nivel internacional y e cuminsa cana su  caminda, e famia aki na Aruba lo haci un denuncia na Departamento di Relacion Exterior (Dienst Buitenlandse Betrekking) y NCTVI (Interpol Aruba) y esaki na su turno lo haci denuncia na nan coleganan na Haiti. 

Por ultimo, famia a indica cu nan lo haci e denuncia na e autoridadnan concerni pa asina e proceso por cuminsa cana via e canalnan oficial pa asina por sa di e paradero di Carnol. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.