fbpx
October 24, 2021

Aruba Bank lo adkiri mayoria operacion na Aruba di CIBC FirstCaribbean

Share on facebook
Share on Facebook
Share on whatsapp
Share on Whatsapp
0
0
Aruba Bank lo adkiri mayoria operacion na Aruba di CIBC FirstCaribbean
Aruba Bank lo adkiri mayoria operacion na Aruba di CIBC FirstCaribbean


Aruba Bank ta anuncia cu el a cera un convenio cu FirstCaribbean International Bank (Cayman) Limited (“FCIB Cayman”), un subsidiario enteramente propiedad di FirstCaribbean International Bank Limited (“FirstCaribbean”), pa cumpra cierto di nan acitvonan bancario na Aruba. 

E transaccion ta suheto na aprobacion segun regulacion pa Banco Central di Aruba (CBA). Ta spera di finalisa e transaccion den e proximo lunanan. 

Anunciando e convenio aki, Managing Director di Aruba Bank, Peter Staal, a describi e adkisicion di CIBC First Caribbean Aruba su negoshi como un excelente oportunidad pa e banco. El a remarca: “Nos ta entusiasma pa e oportunidadnan cu e adicion den cliente lo provee y ta comprometi pa continua cu entrega servicio superior na nos clientenan nobo y existente por igual.” 

“Mision di nos banco ta pa provee servicio bancario superior y innovativo, traha na midi pa cumpli cu e necesidadnan di nos clientenan usando tecnologia y e habilidadnan di nos empleadonan altamente entrena y motiva. E alcance aumenta cu e adkisicion aki lo duna nos, lo asisti nos den cumpli cu nos mision.” 

Chief Executive Officer di CIBC FirstCaribbean, Colette Delaney, a remarca cu Aruba Bank ta un excelente fit pa e negoshi di e banco na Aruba, mirando su tamaño, amplitud di oferta di producto y base di cliente y un posicion fuerte den mercado. 

Sra. Delaney a observa: “Nos a conduci un revision strategico di nos negoshi den henter e region y tumando na cuenta e ruta di desaroyo cu nos a identifica pa e mercadonan den cual nos ta opera, y nos a tuma e dificil decision pa bende nos operacion na Aruba. E decision aki no tabata uno facil pa nos management team, sin embargo el a bira mas facil pa e excelente partner cu nos por a identifica pa e transaccion aki – Aruba Bank.”

Mr. Staal tambe a remarca cu e dos bandanan ta trahando diligentemente pa sigura cu e transicion lo ta uno sin obstaculo pa clientenan di CIBC FirstCaribbean na Aruba. 

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.