fbpx
October 24, 2021

Minister Xiomara Maduro: Muchanan di [email protected] Camp a bishita bestuurskantoor y cera conoci un tiki di e trabao di gobierno

Share on facebook
Share on Facebook
Share on whatsapp
Share on Whatsapp
0
0
Minister Xiomara Maduro: Muchanan di Kids@Work Camp a bishita bestuurskantoor y cera conoci un tiki di e trabao di gobierno
Minister Xiomara Maduro: Muchanan di Kids@Work Camp a bishita bestuurskantoor y cera conoci un tiki di e trabao di gobierno


Diabierna mainta Minister di Finansa y Cultura Sra. Xiomara Maduro a ricibi un grupo di mucha di [email protected] Camp hunto cu nan dos leidsternan den sala di conferencia di prensa di gobierno. Minister Xiomara Maduro a yama e muchanan un bon bini y a duna un splicacion riba e trabao di gobierno, como tambe a duna informacion di e edificio di bestuurskantoor. E muchanan tabata tin oportunidad pa haci pregunta, manera ta e caso ora di conferencia di prensa. E muchanan a puntra entre otro con un persona por bira minister, si e mandatario ta encanta cu bestia, cual ta e scolnan na unda minister a studia y tambe cu nos bishitantenan ta bini Aruba pa vacacion ta pasobra nos pais ta uno felis.

Despues Minister Xiomara Maduro a pasa hunto cu e muchanan pa nan sera conoci cu bestuurskantoor y Cocolishi. Den sala den conseho di minister e muchanan a sera conoci cu ministernan Ursell Arends, Dangui Oduber, Endy Croes, Glenbert Croes y Rocco Tjon. Minister President Evelyn Wever-Croes y Minister Geoffrey Wever no por tabata presente pa motibo di otro compromiso. Cada mandatario tabata tin e oportunidad di presenta nan mes y duna un splicacion riba nan trabao y cual ta nan responsabilidadnan di tur dia. Asina e muchanan a siña un tiki mas con gobierno di nos pais ta funciona. E muchanan a keda masha encanta. Pa minister Xiomara Maduro semper ta un placer pa ricibi bishita di nos muchanan na Bestuurskantoor y al final a gradici e muchanan hunto cu nan dos leidsternan pa e bishita na bestuurskantoor.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.