fbpx
November 30, 2021

SETAR aportando na luna di Adulto Mayor

Share on facebook
Share on Facebook
Share on whatsapp
Share on Whatsapp
0
0
SETAR aportando na luna di Adulto Mayor
SETAR aportando na luna di Adulto Mayor


E luna di oktober a wordo proclama como luna di Adulto Mayor. SETAR, como nos compania nacional di telecomunicacion, ta contento di por a partner cu Fundacion Movemento ta Bida pa ofrece un serie di actividadnan gratis pa nos poblacion 60+ durante henter e luna di oktober.

SETAR como sponsor a habri e serie di charlanan cu lo wordo ofreci. Dialuna mainta SETAR a duna un charla encuanto e servicionan di SETAR facilita pa nos team di Mercadeo y e team di Pay.aw a enfoca riba e aplicacion di Pay.aw, entro otro su benificionan y facilidadnan.

Ademas, diasabra 23 di oktober SETAR hunto cu Fundacion Movemento ta Bida y Magic 96.5 FM ta presenta e Car Rally 60+ Edition. Esaki lo ta uno diferente unda cu lo haci uzo di bo telefon mobil por medio di un plataforma digital pa participa. Pa participa mester tin un persona 60+ den e auto y tambe pa inscribi. Inscripcion ta tuma luga dia 12, 15 y 19 di oktober na oficina di Fundacion Movemento ta Bida situa na edificio di IBISA.

SETAR ta invita nos adultonan mayor pa participa na e actividadnan ofreci durante e luna di oktober y en especial na e Car Rally 60+ Edition p’asina bin pasa un dia ameno y divertido den compania di famia y amigonan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.