fbpx
October 24, 2021

Stagnacion total riba Green Corridor: Truck y auto particular den accidente

Share on facebook
Share on Facebook
Share on whatsapp
Share on Whatsapp
0
0
Stagnacion total riba Green Corridor: Truck y auto particular den accidente
Stagnacion total riba Green Corridor: Truck y auto particular den accidente


Un situacion basta tenso a tuma luga awe mainta den trafico na momento cu un truck di chica pos y un vehiculo particular a accidenta y tranca e fluho por completo riba e caretera principal. Tin di bisa tambe cu afortunadamente no tabata tin ningun hende cu a resulta herida den e incidente aki.

Esaki a tuma luga den careda di 7:30 am un poco mas pariba di e rotonde di Drive Inn na Balashi. A pidi presencia di polis mirando cu e a surgi un stagnacion total na momento cu e truck a termina den tur su largo meymey di caminda. El a blokia e caminda completo y pone cu ningun auto no por a pasa mas.

Di otro banda e vehiculo particular (un Toyota Yaris) a bay para te na e otro banda di caminda pasando riba e particion di e caretera. Ambos vehiculo tabata direccion pariba pero debi na e impacto, e Yaris a bay para p’e otro banda y direccion contrario.

A tuma nota tambe cu a dal un palo di luz benta abou y basta daño riba e parti di ‘landscaping’ di Green Corridor. Investigacion lo saca afo responsible como cu tin declaracion contradictorio.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.