fbpx
October 24, 2021

Agro Aruba Garden ta lamenta declaracion di e cunukeronan

Share on facebook
Share on Facebook
Share on whatsapp
Share on Whatsapp
0
0
Agro Aruba Garden ta lamenta declaracion di e cunukeronan
Agro Aruba Garden ta lamenta declaracion di e cunukeronan


Compania Agro Aruba Garden a reacciona riba loke e cunukeronan a indica pa loke ta chicamento di awa n’e dam di Rooi Afo. Pedro Ramirez, doño di Agro Aruba Garden, a bisa cu nan ta chica awa di dam pasobra nan tambe tin un cunucu. Ta haci esey pa dos motibo, cual un parti ta pa produccion di bonchi cunucu y e otro ta pa produccion di mata local.

Nan ta cultiva diferente mata. Ramirez tabata kier pa tur hende mira cu e ta chica awa pa su plantacion cu ta situa algun meter leu dje dam y no manera e cunukeronan a bisa. E mata cu nan ta chica no ta warda esaki, pasobra nan no tin luga pa haci esey. Tampoco ta bende awa, pasobra esey ta algo inconsciente pa haci.

Agro Aruba Garden tin un sistema di awa cu ta mas economico, pero ta evita desperdicio di awa. E pomp di awa ta sigui traha y door dje sistema cu nan ta uza, e awa chica ta bay p’un area grandi di plantacion. Pa nan por produci nan cultivo, entre otro bonchi, papaya, parchita, segun Ramirez, nan mester di hopi awa. El a bisa cu e tera di Aruba ta demasiado seco y solamente fin di aña tin yobida.

Agro Aruba Garden ta lamenta declaracion di e cunukeronan

Posted by 24ora on Wednesday, October 13, 2021

Na momento cu nivel dje awa den dam baha, Santa Rosa ta cera e luga. Segun Ramirez, Santa Rosa ta haci esey pasobra e awa cu keda no ta bon. E momento ey e awa tin cierto contaminacion y esey e cunukeronan no por uza. Consecuentemente nan ta haya nan mes ta uza awa di cranchi, esta awa cu ta bin di WEB. E ta di acuerdo pa papia cu cualkier persona necesario, incluso minister, pa por yega na un solucion. Ramirez a expresa cu esey ta algo cu e cunukeronan mester di dje, un solucion. E ta pensa cu gobierno tin di yuda mas e cunukeronan, specialmente e campo di awa. Aruba mester di mas dam y specialmente control pa cunukero.

Pa cobertura mas amplio, lesa e edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.