fbpx
October 24, 2021

Hulanda: Husticia cu bista riba menasa contra politico

Share on facebook
Share on Facebook
Share on whatsapp
Share on Whatsapp
0
0
Hulanda: Husticia cu bista riba menasa contra politico
Hulanda: Husticia cu bista riba menasa contra politico


Zomer cu a pasa, polis a detene un homber di 22 aña di edad fo’i Amsterdam cu posiblemente kier a haci un atentado contra prome minister Rutte. Asina Ministerio Publico (OM) a confirma segun informacion di de Volkskrant. Otro siman lo bay tin un audiencia pro forma den corte na Den Haag. No lo trata e caso den profundidad ainda.

E homber, Yavuz O., lo a publica mensahe provocativo den algun grupo publico riba Telegram. Segun e acusacion, el a skirbi na december 2020 cu “mayoria di e Hulandesnan ta odia Rutte toch”. “Bo tin e den bo pa tira nan tur? Gewoon for di un auto. Bentana habri. Arma pafo. Y tira numa”. Esaki a sosode dia 12 di december 2020.

Dia 4 di mei 2021 el a skirbi: “Prome regla e luchadonan. Y no cualkier manifestante, hende serio cu kier haci algo. Cu ta fada, y tin ‘schijt’. Y ta exigi nan libertad. Mi no ta busca manifestante. Mi ta busca revolucionario. Tirado/agresor/arma/violencia. Tur cos ta permiti”.

Straf di cel

Den e ultimo lunanan, a detene y procesa varios otro hende homber y hende muhe despues cu nan e menasa politico, administrado y cientifico cu ta hunga un papel importante den e maneho di Coronavirus. Diamars, por ehempel, Erik van Z. a presenta dilanti hues despues cu el a menasa lider di partido D66, Sigrid Kaag y minister di CDA, Hugo de Jonge, a traves di Facebook. El a ricibi cinco luna den prizon.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.