fbpx
October 24, 2021

Problema cu chicamento di awa na Dam di Rooi Afo

Share on facebook
Share on Facebook
Share on whatsapp
Share on Whatsapp
0
0
Problema cu chicamento di awa na Dam di Rooi Afo
Problema cu chicamento di awa na Dam di Rooi Afo


Na e dam di Rooi Afo ta yega diferente cunukero, specialmente esunnan di Paradera y area, pa saca e awa pa nan plantacion. Pa varios siman tin problema tumando luga y consecuentemente e cunukeronan di Paradera y area a bini hunto pa trece nan preocupacion dilanti.

Abby Croes, kende ta un cunukero, a splica cu compania ta keda saca awa y esaki ta algo no desea. Nan a bin ripara cu den e ultimo dos siman tur dia un compania ta chica awa 24/7. Nan a hasta presenta na e departamento di agricultura, esta Santa Rosa, pa trece nan preocupacion. E contesta ricibi dje instancia, ta cu pa binti aña e compania ta haciendo esey y con awo nan a bin ripara. 

E tubo cu tin eynan ta bay dam y no ta mira cu tin buraco. Pero awo cu awa a baha, por mira cu tin un buraco. Pa motibo cu ta chica awa 24/7 esey a trece preocupacion n’e cunukeronan. El a splica cu na momento awa seca, ta dal e porta cera. Esey ta pone nan cu ta yega eynan den nan pickup cu tanki no por coy awa, pero e compania si ta bay sigui chica ya cu nan tubo ta memey dje dam. Santa Rosa a informa Croes, cu nan no tin nada di bisa n’e dam, pero si ta cera e porta dia di maña ora esaki cuminsa seca. Motibo cu ta haci esey, no ta conoci pa su persona.

Problema cu chicamento di awa na Dam di Rooi Afo

Posted by 24ora on Wednesday, October 13, 2021

Croes a splica cu el a yama Santa Rosa siman pasa riba e situacion y ayera tambe. Aki ta unda cu e telefonista a bisa nan cu e directora a puntra dicon pa binti aña largo nan no a ripara cu e compania ta chicando awa. E cunukeronan kier sa cerca ken nan mester bay si e departamento di agricultura di gobierno no ta proteha nan. Nan no tin un plantacion y loke nan ta produci sea ta pa nan mes y famia, y si tin un tiki di mas, nan por bende algo. Nan ta pidi pa yega na un solucion.

Pa cobertura mas amplio, lesa e edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.