Partidonan den oposicion MAS y Accion 21 a manda un carta pa presidente di parlamento, mr. Edgard Vrolijk, pa yama un reunion publico cu caracter di urgencia cu dos punto na ordo di dia, cu mester ta convoca mas pronto posibel.
Esaki ta pa haya mas claridad rapidamente riba e estado di e asuntonan relaciona cu e reduccion di e 60 miyon di euro den AZV y e preocupacionnan di e Asociacion di Fisioterapistanan di Aruba (AVF).
Punto cu kier toca tema ta: 1. Pakico gobierno a acepta e cortamento di 60 miyon den AZV y 2. preocupacionnan di e Asociacion di Fisioterapistanan di Aruba.
Durante di e manifestacion cua tuma luga dilanti di parlamento, presidente di AVF, Marlon Maduro a indica cu varios biaha nan a purba di sinta na mesa cu e minister encarga cu salubridad publico, Dangui Oduber, pero lamentablemente sin ningun exito.
Mirando cu e manifiesto ya a pasa 10 dia cu a ricibie na parlamento y mirando e caracter urgente di e asunto, MAS y Accion 21 no ta duda ni un momento cu lo convoca e reunion proximamente.
Loading…
Reload document 
Open in new tab 
