fbpx
November 30, 2021

Minister Dangui Oduber: No a tuma decision cu lo perhudica fisioterapista

Share on facebook
Share on Facebook
Share on whatsapp
Share on Whatsapp
0
0
Minister Dangui Oduber: No a tuma decision cu lo perhudica fisioterapista
Minister Dangui Oduber: No a tuma decision cu lo perhudica fisioterapista


E pasonan tuma pa Arubaanse Vereniging van Fysiotherapeuten (AVF, fisioterapista) ta uno fastioso. Segun Minister di Salubridad, Dangui Oduber, esaki ta fastioso pa motibo cu tanto gobierno como AZV no a tuma ningun decision cu lo perhudica den e servicio cu nan ta duna.

Pa bay parlamento y entrega un manifiesto, despues pidi reunion c’un otro minister. Nan a dirigi nan mes n’e minister di salud y bisando di no tin atencion, e mandatario no ta haya cu esey ta corecto. Esaki ta debi cu simplemente no a tuma un decision cu a pone nan tuma tur e pasonan aki.

Ministerio di Salud semper ta habri pa papia y scucha nan. Segun e mandatario, nan ta bay haci un invitacion n’e asociacion. Asina aki nan por expresa e preocupacionnan cu tin. “Mi no ta haya corecto cu bo a tuma tur e pasonan aki”, minister Oduber a bisa. Na ningun momento a tuma un decision di parti ministerio of AZV cu ta bay perhudica nan den servicio cu ta duna of financieramente.

Si a tuma un decision cu lo a conduci cu AVF a sali perhudica, e ora ey e mandatario por a compronde reaccion of accion asina tuma. Den e caso aki no a tuma un decision ainda. Continuamente nan ta riba presion dje gobierno Hulandes. Y por sinti cu n’e reaccion di oposicion, nan kier pa gobierno tuma e medidanan aki. Segun e mandatario, cada rueda di prensa cu e sigui di oposicion, e ta sinti cu nan kier forsando gobierno, ministerio di salud, pa implementa un eigenbijdrage. Tambe pa bin cu positieve lijst. Nan no solamente mester critica, cuestiona, pero si nan no kier pa gobierno introduci e medidanan sino bin cu solucion tambe. “No critica, no cuestiona y bo mes no tin ningun solucion”, segun Oduber.

E presion ta continuo y continuamente gobierno tin presion di oposicion pa introduci medida. E ta un novum den politica cu oposicion ta forsando gobierno pa introduci medida pa perhudica cuido.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.