fbpx
November 30, 2021

Famia di dos piscado perdi cu homenahe na canto di lama

Share on facebook
Share on Facebook
Share on whatsapp
Share on Whatsapp
0
0
Famia di dos piscado perdi cu homenahe na canto di lama
Famia di dos piscado perdi cu homenahe na canto di lama


Den ora di atardi famia di e dos piscadonan perdi a bini hunto band’i lama, na Surfside, pa haci un homenahe na nan. Ta trata di e piscadonan Peter Kelkboom y Yubi Loopstok, kendenan riba e fecha di awe den ora di atardi a bay pisca, pero pa un motibo of otro nan no a regresa.

Carla Kelkboom, Ruman di Peter Kelkboom, a splica cu Peter y Yubi a bay pisca, pero no a bolbe bek. E ta corda cu su ruman a yama y bisa cu nan lo ta bek paden den careda di 5:30 pm, pero esey no tabata e caso. Awo cu ta un aña mas leu ainda nan no a bin bek. Awe nan a conmemora ambos persona.

Orlando Dania, sua di Yubi Loopstok, ta recorda cu e tabata na Hulanda y a ricibi e yamada ferfelo. Aki nan a bin tende cu Yubi y Peter a sali bay pisca mainta, pero normalmente ta bin bek den ora di atardi. Te a cierto momento no a tende nada mas. El a expresa cu tur biaha nan bin, e ta sinta cu nan y semper ta trece un regalo di Hulanda. Covid-19 a pone cu nan no a bin aña pasa, pero nan a haci tur cos pa bini ya cu awe ta net un aña. Aki ta unda amigo y famia a bini hunto pa recorda nan.

Nan ta en espera di por tende algo dje piscadonan. Nan kier tende algo, nan kier sa kico a pasa cu Peter y Yubi. Si ta keda haci e tipo di homenahe aki, e ta kere cu lo sigui. E piscadonan ta keda den nan memoria y cu un dia nan lo yega. “Nos ta keda cu fe. Fe ta grandi”, Dania a expresa.

Pa cobertura mas amplio, lesa e edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.