fbpx
November 30, 2021

Gobierno y Mary Joan Foundation a marca e ‘Wear It Pink Day’

Share on facebook
Share on Facebook
Share on whatsapp
Share on Whatsapp
0
0
Gobierno y Mary Joan Foundation a marca e ‘Wear It Pink Day’
Gobierno y Mary Joan Foundation a marca e ‘Wear It Pink Day’


Diabierna anochi a tuma luga un ceremonia chikito di conmemoracion di e ‘Wear It Pink Day’ den cuadro di luna di October como luna di conscientisacion di e lucha contra cancer di pecho.  Prome cu a cende e iluminacion cu a bisti edificio di Bestuurskantoor na ros, a hiba palabra president di Mary Joan Foundation, Arabella Colina, como tambe Minister di Finanzas y Cultura, Xiomara Maduro.

Den nan discurso, ambos a haci enfasis riba e importancia di conoce nos mes. Di haci saminacion fisico regular como un manera di por detecta ora cu algo no ta sinti normal y asina haya e tratamento lo mas trempan posibel. 

Tambe a expresa palabra di solidaridad y speransa pa esunnan cu actualmente ta batayando e malesa y di danki na tur esunnan cu di un manera otro, y a traves di diferente organisacion, ta promove conscientisacion y apoyo den e lucha contra cancer di pecho.

Presente tambe na e ceremonia aki tabata vice prome minister y minister di integridad, medio ambiente y cuido di grandinan, Ursell Arends y parlamentario Alvin Molina.

Pa mas informacion y detayenan di e ceremonia, lesa e proximo edicion di TREMPAN.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.