fbpx
November 30, 2021

mr. Mike Eman (AVP): MEP y Raiz a vota contra pa salba Julianaschool

Share on facebook
Share on Facebook
Share on whatsapp
Share on Whatsapp
0
0
mr. Mike Eman (AVP): MEP y Raiz a vota contra pa salba Julianaschool
mr. Mike Eman (AVP): MEP y Raiz a vota contra pa salba Julianaschool


Den cuadro di e reunion parlamentario pa trata e presupuesto di DOW, oposicion tabatin a trece dilanti nan preocupacion pa loke ta trata fondo y atencion dirigi na edificio publico. Asina mr. Mike Eman, lider di fraccion di AVP a bisa cu locual e resalta durante e reunion aki ta cu locual tabata e vision pa desaroyo di obra publico pa un miho calidad di bida pa nos hendenan, pa inverti, pa crea trabou y pa crea oportunidad di e gobernacion di AVP, awo ta parce cu ta net lo contrario pa e gobernacion actual y di esun di e ultimo cuater añanan.

Segun Eman a sigui splica, por tuma nota awo cu desde cu e otro gobernacion a subi na mando, e obranan publico ta practicamente stagna, no tin mantencion ni tampoco ta haciendo ningun tipo di inversion pa drecha y renoba nos barionan, nos scolnan y modernisa e servicionan pa comunidad. Tur esaki, oposicion a trece dilanti pa asina por subraya e importancia di esaki y pa no laga esaki stagna den e gobernacion aki tambe. 

Sinembargo, lamentablemente ora cu AVP a presenta mocion pa urgi gobierno pa salvaguardia Julianaschool, pa renoba y restaura esaki, tanto fraccion di MEP y Raiz a vota contra di esaki.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.