fbpx
November 28, 2021

Raiz: Oposicion y coalicion mester busca manera pa traha cu otro

Share on facebook
Share on Facebook
Share on whatsapp
Share on Whatsapp
0
0
Raiz: Oposicion y coalicion mester busca manera pa traha cu otro
Raiz: Oposicion y coalicion mester busca manera pa traha cu otro


Den cuadro di e reunion publico (OV) den parlamento pa trata e presupuesto di DOW, a trece varios topico al caso dilanti. Pa varios parlamentario presente, esaki ya ta algo di custumber, pero pa Raymond Kamperveen, vice-presidente di parlamento (Raiz)  esaki ta pa prome biaha cu e ta experencia un OV cu ta bay pa asina largo. Sinembargo, el a enfatisa si cu mester haci esaki paso e ta importante pa pais Aruba pa pasa e presupuesto esaki. 

Asina tabatin varios punto cu a dialoga riba dje pa por yega na un bon comprondemento riba dicho presupuesto. A añadi cu tabatin mocion den cual algun a vota contra y algun a vota na fabor. Segun Kamperveen, a trece un total di dies mocion dilanti pero cu a ripara si cu oposicion no a consulta cu coalicion prome cu trece di nan. “Nos ta hende grandi…nos por sinta prome cu otro, e ta algo facil nos ta papia di dje, nos ta discutie, dicusion ta algo sano”. 

A agrega bisando cu coalicion ta habri pa combersa y por hasta yuda pa perfecciona e mocion y cu ta p’esey pueblo a scoge p’e parlamento aki, pa traha cu otro y no pa bringa cu otro.

Pa cobertura mas amplio lesa edicion di TREMPAN mañan.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.