fbpx
November 30, 2021

Apertura di Exposicion di Arte na Camara di Comercio

Share on facebook
Share on Facebook
Share on whatsapp
Share on Whatsapp
0
0
Apertura di Exposicion di Arte na Camara di Comercio
Apertura di Exposicion di Arte na Camara di Comercio


Diabierna a tuma luga apertura di exposicion di arte na Camara di Comercio, cu ta consisti di e obranan di e hobennan di Fundacion Crea Arte. 

Miriam D’Lisle ta e artista tras di e exposicion aki. Su mes persona a acerca Camara di Comercio pa tene e exposicion, pa wak si tabata tin e posibilidad pa haci e exposicion aki y nan a ricibie cu brasa habri,.di su mes e tin 12 of 14 obra. Pero e obranan ta mas tanto di su alumnonan, cu ta di entre 6 cu 16 aña. En total tin mas o menos 40 obra di e alumnonan. 

Su fuente di inspiracion ta su mesun alumnonan, cu e biaha aki tabata den forma di abstracto. D’Lisle cu su partnernan den e fundacion, a scoge pa duna e muchanan oportunidad pa conoce tres artista, cu ta Piet Mondrian, Kandinski y Joan Miró di Catalunya. 

EXPOSICION DI ARTE

For di 2012 Camara di Comercio a cuminsa cu exposicion di arte den e oficina di edificio di Camara di Comercio pa loke ta e area di recepcion. A cuminsa cu evento aki durante un kibramento di cabes pa bin cu ideanan di ki evento nan por ofrece pa stimula arte na Aruba, cu e por bira opcion pa haci algo mas den direccion di entrepeneurship. Hopi biaha e artista ta hopi bon den su parti creativo. Pero nan kier duna e artista e posibilidad pa e bende su arte.  Pa mas informacion, lesa TREMPAN .

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.