fbpx
November 28, 2021

Famia kier sa kico a pasa di berdad cu Luisangel Figueroa

Share on facebook
Share on Facebook
Share on whatsapp
Share on Whatsapp
0
0
Famia kier sa kico a pasa en berdad cu Luis Angel Figueroa
Famia kier sa kico a pasa en berdad cu Luis Angel Figueroa


Diasabra atardi, famia di e hoben Luis Angel Figueroa a yama un conferencia di prensa pa asina bin cu un anuncio. Tabata riba dia 17 di october, esta siman pasa, na momento cu a haya informacion cu tabatin un caso serio y lamentabel a tuma luga den un parkeerplaats di un mall riba Palm Beach.

A mobilisa unidad di polis y demas instancia concerni pa atende cu e caso. Den ora laat di anochi, dokter a constata morto di e hoben di 20 aña.

Awe nos ta un siman leu y famia kier aclaria algun punto riba e caso aki. Mama di e hoben, Anaisa Flores, a comenta cu nan tur kier un contesta di loke a pasa. Nan ta e unico famia cu e hoben tin na Aruba. El a comenta cu e famia ta hopi gradicido na tur esunnan cu ta pendiente di e caso di su yiu homber. Tambe na autoridad cu ta tratando e caso cu wowo skerpi.

Tata di Luisangel tambe a gradici p’e apoyo n’e momento cu nan ta den tristesa, pero asina mes nan ta continua pa asina haya sa kico en berdad a sosode cu nan yiu.

Fuera di esey el a pone enfasis cu ta afera na ley Hulandes, conoci na mundo cu ta un ley precies. Famia ta confia den cuerpo di recherche cu lo sigui cu nan trabao pa asina soluciona e caso di morto di nan yiu.

Famia kier sa kico a pasa en berdad cu Luis Angel Figueroa

Famia kier sa kico a pasa en berdad cu Luis Angel FigueroaClick link pa lesa mas: https://24ora.news/3Co6os5

Posted by 24ora on Saturday, October 23, 2021

Un cos cu e tata a menciona cu tin hopi duda den e caso y hopi cos pa aclaria. Pero toch tin algo formando den e caso aki. Famia kier pone enfasis cu nan ta den lucha tambe, como tambe gobierno di Aruba ta pendiente di loke a pasa cu Luisangel.

Mama di Luisangel a comenta cu su yiu tabata un bon mucha. Cu no a merece di a pasa den tur loke a pasa. Flores a pidi cu si tin un persona cu por a haci loke el a haci, si ta un accidente. Su yiu no tabata su so eynan, e mama a comenta, ni tampoco haci algo fo’i sla. Tabata un mucha contento, alegre. Unico cos cu e tabata gusta ta su musica. Flores a comenta cu e tabata su taxi, e ta bah’e na trabao y despues busc’e bek.

Pero net riba e dia aki, e mama no tabata por, asina ta, Luis Angel mester a coy un bus y bay traha.

Loke mama y tata ta pidi autoridad tanto di Aruba y Hulanda, y tambe esun cu por a mira of scucha algo pa bin dilanti, pone man na curason y tuma contacto cu esun cu tabata hunto cu su yiu. “Bo sa masha bon cu Luisangel no tabata merece esey. E no ta un mucha malo. Ta un mucha humilde, contento, alegre. Tabatin 20 aña y ‘bo’ no ta bay tin bida p’e remordimento cu lo keda na bo consenshi. Please, mi ta sigur cu mi yiu no a mata su curpa, pasobra e no tabatin e motibo.” Ta loke e mama a comenta.

A pidi un peticion special pa pidi recherche pa nan tuma curpa di Luis Angel bek y laga haci autopsia. Famia no tin ningun prueba cu por sa kico por ta e causa di morto di Luisangel.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.