fbpx
November 28, 2021

Grito a haya oido: Tur parlamentario a haya espacio pa parkeer

Share on facebook
Share on Facebook
Share on whatsapp
Share on Whatsapp
0
0
Grito a haya oido: Tur parlamentario a haya espacio pa parkeer
Grito a haya oido: Tur parlamentario a haya espacio pa parkeer


Grito di lider di fraccion di Accion 21, Miguel Mansur, a haya oido. Esey a pone tambe cu diasabra mainta trempan, a pone man na obra dilanti parlamento, p’asina instala varios borchi, reservando e espacio di parkeer pa parlamento di Aruba.
Esaki sigur ta un paso cu kisas ta bon pa bisa cu for di awo padilanti, nan tin cu parkeer n’e espacionan aki.

A pone 20 borchi cu e indicacion reserva. Net awe cu parlamento no a funciona, e parkeerplaats aki ta bashi. A pone e borchinan na Ingles p’e turistanan compronde, como tambe local atende cu nan no por para auto mas eynan pasobra por takel nan auto.

Manera ya indica, ta indicacion cu e peticion di Miguel Mansur a haya oido, despues di a atende su dos coleganan di parlamento riba e hecho aki. Miguel Mansur a mustra cu ora papia di integridad, e ta conta na tur momento. No por para auto robes y ta cuestiona otro riba otro asunto.

Aworaki e borchinan ta cla y cada parlamentario tin nan espacio reserva dilanti di parlamento. Problema di parkeer ta tra’i lomba. Nan por para na porta di trabao, y reserva pa para auto y drenta den e edificio sin problema.
Tin di remarca cu presidente di parlamento Edgard Vrolijk no a aprecia masha cu Miguel Mansur a reclama su coleganan di fraccion. Espacio di tanto presidente di parlamento y di griffier ta di respeta.

Grito a haya oido: Integridad ta conta tambe ora di parkeer drechi

Posted by 24ora on Saturday, October 23, 2021

Si cualkier persona para ey, nan ta hala su auto. Otro parlamentario tampoco no por para ey. A sacrifica dos vak, cu ta di bode y esun di griffier pa asina por drenta e parti patras di parlamento y unico luga cu a keda ta di presidente di parlamento.
Awo a caba di instala e borchinan pa asina e espacio p’e parlamentarionan keda habri.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.