fbpx
November 30, 2021

Polis a atende cu homber cu ta menasa pastoor

Share on facebook
Share on Facebook
Share on whatsapp
Share on Whatsapp
0
0
Polis a atende cu homber cu ta menasa pastoor
Polis a atende cu homber cu ta menasa pastoor


Diasabra mainta, algo prome cu 11:00 am, polis a bay den direccion di e iglesia cu tin den Avenida Alo Tromp. Motibo ta cu un homber lo a menasa e pastoor. Na yegada di polis a topa cu e pastoor, a papia cu ne. Dos unidad di polis a presenta n’e sitio y el a splica cu mas cu un ocasion tin un homber ta pasa y ta haci expresion menasante den nan direccion.

Nan, no kier problema cu hende. Esey ta loke e pastoor a splica. Mas bien ta yuda hopi di e adictonan cu tin eybanda y nan a logra tambe pa yuda masha hopi mes, entre otro cu paña, cuminda, hiba nan afo pa nan rehabilita, drenta comunidad den un forma sano. Tur esaki ta parti di e trabao cu nan ta haci.

Nan no sa ken e persona aki ta. Mas biaha e sa menasa nan. Ta p’esey e biaha aki, a dicidi di avisa autoridad pa mira si nan por papia cu ne y pone un fin na su expresionnan menasante cu ta haci cada biaha cu e pasa den e area.

Den Visstraat a topa cu e persona aki. A atende cu ne y tur cos a keda trankil un biaha mas. Ta di spera cu no ta bay tin problema mas ni acto di menasa den direccion di esunnan cu ta maneha e iglesia.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.