fbpx
November 28, 2021

Rotaract cu ‘pink hike’ pa Mary Joan Foundation

Share on facebook
Share on Facebook
Share on whatsapp
Share on Whatsapp
0
0
Rotaract cu ‘pink hike’ pa Mary Joan Foundation
Rotaract cu ‘pink hike’ pa Mary Joan Foundation


Rotaract Club of Aruba ta un club di servicio na Aruba cu lo celebra su di 30 aña. Nan ta conoci pa su proyectonan manera ‘Back to School’ y tambe varios seminario teni tur aña.

E biaha aki nan tabata na Parke Arikok pa un ‘Pink Hike’ pa recauda fondo pa Mary Joan Foundation. Segun vice-presidente di Rotaract, Katinka van der Putten, e idea tabata p’e miembronan tin sponsor pa nan kilometernan cu lo cana. A cuminsa e hecho aki aña pasa Mary Joan Foundation no por a recauda pa motibo di COVID. Aña pasa e tabata hopi exitoso y ta spera cu a recauda mesun hopi fondo cu aña pasa.

Van der Putten ta sigui splica cu no tur ora hende ta entusiasma ta lanta trempan. Pero hopi biaha despues di un hike hende ta cla pa start su dia. Hopi biaha e ta un bon excuus pa cana den naturalesa, vooral den Arikok. Ta hopi bunita pa di e manera aki conoce e isla.

Aña pasa a haci dos dia di hike. N’e ocasion aki a haci un dia so. Ta p’e motibo aki mes ta spera cu por logra colecta suficiente fondo.

CELEBRANDO 30 AÑA

P’e celebracion di 30 aniversario ta bayendo bon. Van der Putten ta splica cu ta purbando di haci mas hopi posibel p’e comunidad. P’esey mes nan t’ey.

Tin plan special den tapara, e ta splica. Cu e hecho aki, e club di servicio aki ta hopi contento cu nan ta sirbiendo pueblo asina largo.

ULTIMO PALABRA

Tur aña e club ta yuda Mary Joan Foundation. Katinka van der Putten ta conta cu e por mira cu den e añanan aki cu COVID, ta dificil pa recauda fondo. Ta hopi contento cu por yuda e fundacion den e manera aki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.