fbpx
November 28, 2021

Tayer hopi bon atendi di ‘Let’s Art About Health” na Ateliers ‘89

Share on facebook
Share on Facebook
Share on whatsapp
Share on Whatsapp
0
0
Tayer hopi bon atendi di ‘Let’s Art About Health” na Ateliers ‘89
Tayer hopi bon atendi di ‘Let’s Art About Health” na Ateliers ‘89


Arte ta un di e formanan di terapia hopi uza pa trata problema di salud mental y adiccion. Y ta p’e motibo aki mes diasabra mainta a tuma luga e evento ‘Let’s Art About Mental Health’, den edificio di Ateliers ‘89. Cristal Brown, miembro di ekipo di e evento, alabes funcionario na Respaldo, a conta cu e dia tabata pa promove e conscientisacion riba salud mental y adiccion.

A pensa cu lo ta interesante pa introduci e forma aki y kisas laga pueblo di Aruba cu e forma di terapia aki.

Esaki ta prome biaha pa organisa e evento aki y ta mir’e como un pilot. Segun Brown, a base di con e feedback cu nan haya di pueblo, lo considera pa haci e evento aki mas biaha. Por ta un biaha pa aña, Brown a splica.

Tin varios charla informativo y educativo pa laga hende haya un tiki mas informacion riba salud mental, cuido di salud mental, kico por haci en realidad.

No solamente di salud mental, pero tambe riba topico cu tin di haber cu/of adiccion. Tabatin un tayer di arte pa adulto, mucha y hoben. A cuminsa e dia pa 8:30 am cu un tayer di arte pa hende di diferente edad, cuminsando fo’i 12 aña pariba. Esey tabatin un costo chikito mara na dje, duna p’un vakterapeut cu a bin di Corsou pa guia e tayer aki.

Durante dia nan tabatin tayer di arte pa mucha, hoben y adulto. Esakinan tabata completamente gratis. Mayoria di nan tambe tabata sold-out.

Brown a menciona di tabata hopi contento di por a haya sa di esaki. Fuera di esey tabatin un ‘kid’s corner’. Tambe tabatin varios presentacion y un ‘mercado di arte’ pa tur esunnan interesa den arte. Tabatin diferente artista cu no solamente a expone nan arte, sino bende nan tambe.

Brown a menciona cu na Aruba, cuido di salud mental ta basta bon regla. Aworaki sa cu en berdad lastimamente no solamente na Aruba, pero mundialmente entre otro pa motibo di COVID tin hopi hende cu hopi problema riba tereno di salud mental. Asina mes e profesionalnan ta trahando duro pa purba yuda mas hopi hende posibel.

Pero unda cu por gana hopi ta haciendo mas, kisas riba e tereno preventivo. P’asina hende por bira un tiki mas resistente pa por yuda nan mes, papia cu otro hende, duna sosten prome cu e problema mester bira pio.

Brown ta haya hopi bon ora cu organisa evento asina, pa hisa e conscientisacion, esta promove e conscientisacion riba topico asina. Esaki ta e unico manera cu por tiki tiki cuminsa tackle e. Toch tin hopi berguensa den comunidad y taboo. Hende tin hopi miedo di papia riba cierto topico y ora tin evento asina, toch ta sinti cu tin un otro hende cu por ta sufriendo y no ta sufri so. Ta haya sosten di un otro persona, a base di un evento asina.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.