fbpx
November 28, 2021

Tur club di Kiwanis a uni pa participa n’e K1 Day na Imelda Hof

Share on facebook
Share on Facebook
Share on whatsapp
Share on Whatsapp
0
0
Tur club di Kiwanis a uni pa participa n’e K1 Day na Imelda Hof
Tur club di Kiwanis a uni pa participa n’e K1 Day na Imelda Hof


Diasabra mainta e diferente clubnan di Kiwanis di Aruba a uni p’un causa den e proyecto K1 Day. Aki e cuater presidente di e clubnan adulto tabat’ey presente pa asina pone man na obra, hunto cu e miembronan na beneficio di Imelda Hof na Noord.

Nan a duna un man na verfmento, chapimento pa menciona algun di e trabaonan cu nan a haci.

Jokoeza Hooplot, presidente di Kiwanis Club of Aruba, a conta cu e dia aki sigur ta uno special. Kiwanis ta un organisacion global di boluntario cu ta enfoca riba mehora y impacta bida di mucha. Riba e dia di awe, ta uno cu fuera di e otro proyectonan cu nan ta haci durante aña, nan ta dedica e dia pa traha cu nan man.

Imelda Hof tin un luga den nan curason y tabatin mester di hopi atencion. Aki e diferente clubnan tabat’ey pa mantene y drecha e luga.

Stephany Daal, presidente di Kiwanis Young Professionals Aruba, a agrega cu nan a ‘break the record’ di cuanto hende a presenta. Ta un total di 140 persona a bin pa haci un ‘hands on project’, cu a bira esun mas grandi pa Aruba.

Ta un dia cu despues di hopi tempo cu e clubnan a bin hunto un biaha mas pa haci un proyecto asina grandi.

Tur club di Kiwanis a uni pa participa n’e K1 Day na Imelda Hof

Tur club di Kiwanis a uni pa participa n’e K1 Day na Imelda HofClick link pa lesa mas: https://24ora.news/2Zg0z1z

Posted by 24ora on Saturday, October 23, 2021

Aña pasa door di COVID, tur club a participa den e K1 Day, pero solamente a hacie separa pa por cumpli cu tur regla y protocol di COVID-19.

Endrah Richardson-Gumbs, presidente di Kiwanis Club San Nicolas, a comenta cu diasabra mainta tambe nan tabatin diferente SLP y Key Club presente como tambe nan Builder’s Club. Kiwanis Club tabata bon representa e dia aki sigur.

Patrick Melchoirs ta ex-Luitenant Governor di Division 26, y loke a destaca riba e dia aki cu tur e club rond mundo a organisa e K1 Day mas cu por. Den e division aki cu ta consisti di Trinidad & Tobago, Aruba, Boneiro, Corsou y Suriname, tur caminda tin actividad di K1 Day. Tin di nan ta haci limpiesa, tin ta pinta cas, traha algo. Rond mundo ta uni y haci loke nan sa haci bon, cual ta yuda e muchanan rond mundo.

Rothmar Coenraad, presidente di Kiwanis Palm Beach, a comenta cu manera cu nan a habri e aña Kiwanistico dia prome di october cu union hunto cu e otro clubnan, diasabra tabata e dia den aña di Kiwanis, cu no solamente e clubnan adulto, pero tur e otro clubnan di nan service leader programs, caminda tur scol ta bin hunto pa haci un obra p’e comunidad.

Esaki ta di 10 aña cu ta haciendo e iniciativa aki. Mirando e hobennan cu a participa den e iniciativa aki, esaki lo bay sigui p’e otro añanan cu lo bin.

Ta biniendo bek di un aña cu no por a hacie y cu esaki ta bin for di dos aña cu no por a haci esaki.

Share on facebook
Share on Facebook
Share on whatsapp
Share on Whatsapp
0
0

Meta di 1Noticia ta pa duna pueblo un bista amplio di noticia na Aruba. Sinembargo nos no ta doño di contendio di e articulonan cu ta aparece riba nos plataforma.